Италијанскиот фудбалски клуб АС Рома сака да го доведе бразилскиот играч за врска 32-годишнио Касемиро како позајмен играч во зимскиот преоден рок, но договорот зависи од тоа дали ќе успеат да го продадат аргентинскиот коректор на средниот ред Леандро Паредес.
И покрај тоа што е најплатен играч на Јунајтед, со годишна плата од 23 милиони евра, Касемиро се најде во немилост кај новиот тренер Рубен Аморим, објавија во средата британските медиуми. Португалскиот стратег воопшто не го искористи на последните шест натпревари, па Касемиро е подготвен да ја прифати понудата да биде на позајмица во Рома до крајот на сезоната.
Сепак, проблем е неговата огромна плата, која Рома може да ја покрие само со мал дел, додека главниот товар би останал на грбот на Јунајтед. Ваквото сценарио воопшто не му се допаѓа на клубот од „Олд Трафорд“. Исто така, Рома прво би морала да го продаде Леандро Паредес, за кој е заинтересиран за саудиски Ал Шабаб.
По успешната сезона во Реал Мадрид, каде што формираше среден ред со Лука Модриќ и Тони Крос што му донесе на „Кралскиот клуб“ пет титули во Лигата на шампионите, Касемиро се пресели во Манчестер Јунајтед во август 2022 година. Англискиот клуб плати отштета од 70 милиони евра, а неговиот договор е со важност до јуни 2026 година.
Слични новости
НБА: Уште еден „трипл-дабл“ на Јокиќ во победата на Денвер
Никола Јокиќ додаде уште еден 23-ти „трипл-дабл“ сезонава со 27 поени, 14 скока и 10 асистенции.
Фокс разменет во Спарс, ЛаВин оди во Кингс
Голема размена се случи во американската професионална кошаркарска НБА лига, во која учествуваа три клуба, а беа разменети седум играчи и уште седум избори на драфтот, а најголемото име што го промени клубот беше „Ол-стар“ бекот Де’Арон Фокс, кој премина од Сакраменто Кингс во Сан Антонио Спарс
Лука Дончиќ допатува во Лос Анџелес и порача дека доаѓа за да освојува титули
Лејкерс денеска му посакаа добредојде на Дончиќ, кој рече дека кошарката му значи се, без оглед каде игра. „Ќе играм со истата радост, истата страст и истата цел – да освојувам титули“ им порача Дончиќ на навивачите на Лејкерс.