Амбасадорот на Европската Унија во земјава, Михалис Рокас, денеска ќе му го врачи на премиерот Христијан Мицкоски Извештајот на Европската комисија за напредокот на Македонија.
Во извештајот се нотира активното учество на земјава во Планот за раст за Западен Балкан и високото ниво на усогласеност со надворешната и безбедносната политика на ЕУ.
Сепак, Европската комисија укажува на недостиг од напредок во усвојувањето на уставните измени, кои се услов за отворање на првиот преговарачки кластер, како и на ограничен напредок во владеењето на правото и борбата против корупцијата.
Еврокомесарката за проширување Марта Кос оцени дека земјава ја подобрила подготвеноста за членство и ги забрзала реформите во рамки на Планот за раст, но нагласи дека се потребни дополнителни резултати во борбата против корупцијата и реформата на јавната администрација.
За деблокирање на пристапните преговори, останува обврската за внесување на малцинствата во Уставот, согласно заклучоците на Советот на ЕУ од 2022 година.
Слични новости
Марта Кос денеска ќе го престави пакетот за проширување на ЕУ
Европската комесарка за проширување, Марта Кос, денеска во Европскиот парламент ќе го претстави Пакетот за проширување на Европската унија за 2026 година.
Бугарија враќа 19 тони македонски јаболка
Бугарската агенција за безбедност на храната забранила увоз на пратка од 19.350 килограми јаболка од Македонија, откако лабораториските анализи покажале присуство на пестициди над максимално дозволените законски граници.
Платата на вработените во Армијата и во одбраната ќе бидат зголемени за 10 отсто од 1 јануари 2027 година
Министерот Мисајловски рече дека буџетот е поминат на владина седница, а во делот на одбраната се предвидува да изнесува 2 милијарди денари повеќе за 2027 година.