Амбасадорот на Европската Унија во земјава, Михалис Рокас, денеска ќе му го врачи на премиерот Христијан Мицкоски Извештајот на Европската комисија за напредокот на Македонија.
Во извештајот се нотира активното учество на земјава во Планот за раст за Западен Балкан и високото ниво на усогласеност со надворешната и безбедносната политика на ЕУ.
Сепак, Европската комисија укажува на недостиг од напредок во усвојувањето на уставните измени, кои се услов за отворање на првиот преговарачки кластер, како и на ограничен напредок во владеењето на правото и борбата против корупцијата.
Еврокомесарката за проширување Марта Кос оцени дека земјава ја подобрила подготвеноста за членство и ги забрзала реформите во рамки на Планот за раст, но нагласи дека се потребни дополнителни резултати во борбата против корупцијата и реформата на јавната администрација.
За деблокирање на пристапните преговори, останува обврската за внесување на малцинствата во Уставот, согласно заклучоците на Советот на ЕУ од 2022 година.
Слични новости
Полицијата разбива група осомничена за шверц на лекови
Голема полициска акција е во тек на повеќе локации во Скопје, Чаир, Тетово и Гевгелија, во рамки на истрага против криминална група осомничена за криумчарење и нелегална трговија со лекови, медикаменти и суплементи, како и за коруптивни кривични дела.
СДСМ: Ходник дипломатијата не може да се претставува како средба на високо политичко ниво
СДСМ реагира на начинот на кој премиерот Христијан Мицкоски ја претставува посетата на САД, оценувајќи дека неформалниот разговор со американскиот државен секретар Марко Рубио во ходник не може да се претставува како официјална средба на високо политичко ниво.
Мицкоски во Њујорк разговарал со државниот секретар на САД Марко Рубио
Во Њујорк разговарав со државниот секретар на Соединетите Американски Држави, Марко Рубио.Овие разговори имаат особено значење и претставуваат потврда на важноста на стратешкото партнерство и континуираниот политички дијалог со Соединетите Американски Држави.