Регулаторната комисија за енергетика денеска ќе ги утврди новите малопродажните цени на нафтените деривати за наредниот период.
Во пресрет на одлуката, Владата соопшти дека мерката за намалена акциза на горивата останува во сила до 15 јуни, а дополнително е обезбеден и попуст од два денари по литар преку договор со ОКТА.
Според владините проценки, дизел горивото би можело да поевтини за околу 6,5 денари по литар, додека кај бензините се очекува намалување од приближно 1,5 денари по литар.
Од Владата оценуваат дека мерките имаат за цел да го намалат товарот врз граѓаните и компаниите, особено во секторите кои најмногу зависат од транспортот и енергенсите.
Слични новости
Нафтата и натаму над 110 долари за барел
Суровата нафта „Брент“ порасна за 0,3 отсто и достигна 111,07 долари по барел, додека американската нафта „West Texas Intermediate“ (WTI) забележа раст од 0,2 отсто, на 99,72 долари по барел.
Емиратите ја напуштаат ОПЕК
Набљудувачите ја опишуваат одлуката на Емиратите како тежок удар за ОПЕК, а особено за фактичкиот лидер на групата извозници на нафта, Саудиска Арабија.
Европската централна банка соопшти дека инфлаторните очекувања на граѓаните во еврозоната пораснаa на 4 насто
Граѓаните на еврозоната очекуваат дека просечната инфлација во наредните 12 месеци ќе изнесува 4 насто, што е значајно повеќе од февруарската проекција на инфлација од 2,5 насто.