Поддршката за американскиот претседател Доналд Трамп падна на 38 oтсто, што е најниска откако се врати во Белата куќа во јануари годинава, бидејќи Американците се незадоволни од неговото справување со кризата со високите трошоци за живот и аферата со починатиот осуден сексуален злосторник Џефри Епштајн, покажа истраживањето на јавното мнение што го спровел Ipsos за агенцијата Reutes.
Четиридневната анкета, која завршика во понеделникот, доаѓа во време кога влијанието на Трамп врз неговата Републиканска партија покажува знаци на опаѓање, пишува Reuters.
Претставничкиот дом, контролиран од републиканците, во вторникot гласаше да го принуди Министерството за правда да објави документи за Епштајн. Трамп долго време се спротивставуваше на тоа, но одеднаш се предомисли во неделата. Законот сè уште мора да биде одобрен од Сенатот и потпишан од Трамп.
Анкетата покажа дека поддршката за Трамп опаднала за два отстотни поена во однос на анкетата спроведена на почетокот од ноември. Со онлајн анкетата биле опфатени 1.017 испитаници низ целата земја и има маргина на грешка од три отстотни поени.
Трамп имаше поддршка од 47 отсто од Американците на почетокот од неговиот втор мандат.
Неговата популарност сега е близу до најниските нивоа забележани за време на неговиот прв мандат во Белата куќа и близу до најниските рејтинзи на неговиот демократски претходник, Џо Бајден. Најниската поддршка за Бајден беше 35 отсто, а најнискиот на Трамп во неговиот прв мандат беше 33 отсто.
Слични новости
Калас: САД остануваат најголем сојузник на ЕУ
Шефицата за надворешна политика на Европската унија, Каја Калас, изјави во саботата дека САД остануваат најголем сојузник на Европа
Бела куќа: Претставници на САД и Украина одржаа продуктивна средба во Мајами, закажани натамошни разговори
Специјалниот пратеник на претседателот на САД, Доналд Трамп, Стив Виткоф одржа продуктивни разговори со високиот преговарач од Украина, Рустем Умеров, во Мајами, Флорида, соопшти претставник на Белата куќа
Зеленски го отстрани Јермак и од Советот за национална безбедност и од врховната команда
Украинскиот претседател Володимир Зеленски го разреши својот поранешен шеф на кабинетот, Андриј Јермак, од Советот за национална безбедност, во екот на обемната истрага за корупција што го потресе Киев