Мигрантите играат сè поважна улога на пазарите на труд со високи приходи, според податоците објавени во понеделникот од страна на Меѓународната организација на трудот (МОТ – ILO) со седиште во Женева.
Во северна, јужна и западна Европа, уделот на вработени мигранти се зголемил во периодот меѓу 2013 и 2022 година од 22,5 отсто на 23,3 отсто. Уделот на мигрантите во работната сила е особено висок во Европа, Северна Америка и арапските земји.
Дел од причината е и стареењето на населението на овие простори. Мигрантите ги преземаат работните места на оние кои заминуваат во пензија, а се зголемува и побарувачката за старатели на стари лица.
Терминот „мигрант“ се однесува на секој кој работи надвор од својата матична земја. МОТ вклучува и лица со работни визи и мигранти без документи кои работат во земјата домаќин.
Добри две третини од нив се вработени во услужната индустрија, споредено со приближно половина од домашното население, покажуваат податоците.
Во светот, во 2022 година, уделот на мигрантите во вкупната работна сила изнесуваше 4,7 отсто. МОТ го процени вкупниот број на мигранти во светот на 284,5 милиони. Околу 255,7 милиони биле постари од 15 години, па затоа биле способни за работа. Од нив, 167,7 милиони биле вработени, за 30 милиони повеќе од 2013 година.
Слични новости
Цените на нафтата блиску до 75 долари
Цените на нафтата се стабилизираа во вторникот на меѓународните пазари близу нивото од 75 долари, балансирајќи меѓу загриженоста за понудата од Русија поради американските закани со царини и стравувањата дека бранот царини би можел да го спречи глобалниот економски раст и побарувачката на енергија
Италијанската „illy“ размислува за печење кафе во САД
Италијанскиот производител на кафе „illycaffè“, објави дека ја разгледува можноста за печење кафе во САД за да ја елиминира заканата од поскапувања што би настанале со новите царини
Инфлацијата во еврозоната благо слабее во март
Инфлацијата во еврозоната благо ослабе во март, бидејќи значително поумерениот пораст на цената на услугите го надмина скокот на цените на свежата храна, покажаа во вторникот објавените проценки на Европската статистичка служба