Реми на „Олимпико“, Рома – Јувентус 1:1

Фудбалерите на Аталанта го претрпеа и третиот последователен пораз, а овојпат на својот терен во Бергамо беа поразени од римски Лацио со 1:0. Трите бода за гостите ги осигура Данецот Густав Исаксен со погоокот во 54. минута.

Аталанта трет натпревар по ред остана без голови, исто како и во минатото коло против Фиорентина (0:1) и пред две кола против Интер (0:2). Сепак, тимот од Бергамо и натаму е трет со 58 бодови, но веќе не е конкурентен во борбата за титулата. Лацио сега се најде на шестата позиција со 55 бодови.

Фудбалерите на Торино на домашен терен одиграа 1:1 против Верона. Торино можеше да поведе во 62. минута, но Че Адамс промаши пенал, бидејќи гостинскиот голман Лоренцо Монтипо му го одбрани прилично лошиот удар. Две минути подоцна гостите поведоа по големата грешка на голманот на Торино, Вања Милинковиќ-Савиќ, чиј обид за исфрлање на топката го блокираше Амин Сар а топката се одби во мрежата.

Торино израмни во 67. минута, кога Никола Влашиќ прекрасно му ја додаде топката на македонскиот репрезентатувец Ељиф Елмас, кој со удар од работ на шеснаесетникот го совлада Монтип.

Домашните го завршија натпреварот со десет играчи, бидејќи Ричи беше исклучен во 86. минута поради прекршок.

Торино е на 10. место со 40 бодови, а Верона е на 14. позиција со 31 бод.