Поради ескалацијата на царинската војна, инвеститорите бараат побезбедно засолниште за капиталот, па цената на златото од почетокот на седмицава се зголеми за 2,6 отсто и утринава достигна рекордно ниво – 2.990 долари за унца.
На валутните пазари вредноста на американскиот долар во однос на кошницата валути порасна во петокот во претпладневното тргување.
Индексот на доларот, кој ја искажува вредноста на американскиот долар во однос на другите шест најважни светски валути, утринава се движи околу 103,98 поени, додека вчера во истито пресек од тргувањето изнесуваше 103,60 поени.
Курсот на доларот во однос на јапонската валута се зголеми од вчерашните 147,75 на 148,60 јени.
Американската валута зајакна и во однос на европската, па цената на еврото се лизна на 1,0845 долари, додека вчера во истиот момент изнесуваше 1,0885 долари.
Цените на нафтата, пак, пораснаа по вчерашниот пад. Цената на барелот на лондонскиот пазар утринава порасна за 0,60 отсто, на 70,30 долари, додека на американскиот пазар цената на барелот порасна за 0,66 отсто, на 66,95 долари.
Слични новости
BMW чекува царински трошоци од милијарда евра
Царинити ќе го чинат BMW милијарда евра оваа година, изјави во петокот извршниот директор на германскиот производител на луксузни автомобили Оливер Зипсе, наведувајќи ги трошоците за европските царини за електричните автомобили од кинеско производство и американските царини за увоз на челик и алуминиум
Златото над 3.000 долари
Цените на златото првпат надминаа 3.000 долари во петокот, како одраз на зголемената побарувачка на инвеститорите во услови на трговски тензии и намалување на каматните стапки
Внимателно тргување на берзите во Европа и Азија
На европските берзи во петокот претпладнето се тргува претпазливо, како и претходните денови, бидејќи инвеститорите се загрижени за царинската војна меѓу САД и Европската унија, додека индексите се на пат да остварат седмични загуби