РБ Лајпциг потврди дека преговорите со Париз Сен Жермен завршиле, а 21-годишниот холандски фудбалски репрезентативец Чави Симонс дефинитивно станува играч на германскиот бундеслигаш.
Во 2023 година, Симонс премина во ПСЖ од ПСВ, но од таа година до денес е на позајмица во РБ Лајпциг. Клубот од Лајпциг сега реши да го откупи неговиот договор, а Симонс потпиша договор до јуни 2027 година.
Лајпциг ги урна и сите клупски трансфер рекорди. Клубовите официјално не ја објавија сумата на оваа зделка, но медиумите наведуваат дека е платена отштета од 50 милиони евра, при што целата зделка потенцијално вреди близу 80 милиони евра со бонуси.
„Отсекогаш сум велел дека во Лајпциг се чувствувам како дома и чест ми е што овој клуб секогаш ми покажувал огромна почит“, изјави во оваа прилика Симонс, кој за Лајпциг на 60 настапи постигна 15 гола и даде 19 асистенции.
Лајпциг не се пласираше меѓу најдобрите 24 екипи во актуелната Лига на шампиони, додека моментално е на петтото место во Бундеслигата.
Претходниот најголем дојдовен трансфер на Лајпциг беше белгискиот фудбалер Лоис Опенда, за кого на Ланс му беше исплатена отштета од 40 милиони евра.
Слични новости
Хрватска е првиот финалист во светското првенство во ракомет
Ова е прво финале за Хрватите по 16 години, а и сега, како и тогаш, беа во улога на кодомаќини. Во тогашното финале, Франција беше подобра и ја освои светската титула, а синоќа Хрватска се одмазди
Фудбалските клубови потрошиле 8,59 милијарди долари на меѓународни трансфери во 2024.
Клубовите ширум светот потрошиле 8,59 милијарди долари на меѓународни трансфери во 2024 година, објави Меѓународната фудбалска федерација (ФИФА) во својот Глобален извештај за трансферите
Поранешните светски прваци во уметничко лизгање Евгенија Шишкова и Вадим Наумов загинаа во авионската несреќа над Вашингтон
Во авионот кој се урна во близината на Вашингтон по судар на патнички авион со воен хеликоптер „Блек Хоук“ животот го загубија поранешните светски...