РБ Лајпциг потврди дека преговорите со Париз Сен Жермен завршиле, а 21-годишниот холандски фудбалски репрезентативец Чави Симонс дефинитивно станува играч на германскиот бундеслигаш.
Во 2023 година, Симонс премина во ПСЖ од ПСВ, но од таа година до денес е на позајмица во РБ Лајпциг. Клубот од Лајпциг сега реши да го откупи неговиот договор, а Симонс потпиша договор до јуни 2027 година.
Лајпциг ги урна и сите клупски трансфер рекорди. Клубовите официјално не ја објавија сумата на оваа зделка, но медиумите наведуваат дека е платена отштета од 50 милиони евра, при што целата зделка потенцијално вреди близу 80 милиони евра со бонуси.
„Отсекогаш сум велел дека во Лајпциг се чувствувам како дома и чест ми е што овој клуб секогаш ми покажувал огромна почит“, изјави во оваа прилика Симонс, кој за Лајпциг на 60 настапи постигна 15 гола и даде 19 асистенции.
Лајпциг не се пласираше меѓу најдобрите 24 екипи во актуелната Лига на шампиони, додека моментално е на петтото место во Бундеслигата.
Претходниот најголем дојдовен трансфер на Лајпциг беше белгискиот фудбалер Лоис Опенда, за кого на Ланс му беше исплатена отштета од 40 милиони евра.
Слични новости
Фокс разменет во Спарс, ЛаВин оди во Кингс
Голема размена се случи во американската професионална кошаркарска НБА лига, во која учествуваа три клуба, а беа разменети седум играчи и уште седум избори на драфтот, а најголемото име што го промени клубот беше „Ол-стар“ бекот Де’Арон Фокс, кој премина од Сакраменто Кингс во Сан Антонио Спарс
Лука Дончиќ допатува во Лос Анџелес и порача дека доаѓа за да освојува титули
Лејкерс денеска му посакаа добредојде на Дончиќ, кој рече дека кошарката му значи се, без оглед каде игра. „Ќе играм со истата радост, истата страст и истата цел – да освојувам титули“ им порача Дончиќ на навивачите на Лејкерс.
Далас тешко настрада во првиот меч по трејдот на Дончиќ, голем пресврт на Бостон
Далас Маверикс, ден откако објавија дека го размениле Лука Дончиќ за Ентони Дејвис, претрпеа тежок пораз на гостински терен од првиот тим во лигата Кливленд Кавалирс