Во Србија денеска се одржуваат предвремени парламентарни избори за 250 места во Народното Собрание. Изборната пресметка се води меѓу СНС на актуелниот претседател Александар Вучиќ и Студентската листа.
Уште од отворањето на избирачките места во 07 00 часот огромни колони луѓе чекаат да го искористат своето право на глас, а одзивот е рекорден. Според податоците на ЦРТА одзивот на изборите во Србија до 10 часот изнесува 19,8 насто, што е двојно повеќе од изборите во 2023.
Големи редови има и во дипломатските претставништва на Србија во странство каде што има незапамтен одзив на дијаспората.
Гласањето ќе трае до 20 часот вечерва, а засега се забележани вообиќаени инциденти за општество со толку изразена политичка поларизација, кое го одбележаа протести на студентите кои траат веќе две години.
Слични новости
Нови насилни судири во Тирана: Над 150 повредени и најмалку 160 уапсени
Нови насилни судири меѓу полицијата и демонстрантите избија синоќа во Тирана, четврти ден по ред на протести во Албанија. Полицијата употреби солзавец и водени топови за да ги растера демонстрантите, кои фрлаа камења и блокираа улици со запалени контејнери за отпад.
Американскиот претседател Доналд Трамп го замрзна новиот пакет санкции против Русија два дена пред да стапи во сила
Блумберг наведува дека Трамп се откажал од спроведувањето на високи царини за руските енергенти бидејќи тоа би ги искомпликувало неговите настојувања да ги намали цените на дизелот пред американските избори на половина од мандатот.
Горивото во Црна Гора поскапе за 32,3 насто, инфлацијата највисока за последните две и пол години
Цените на горивата во Црна Гора во септември беа за 32,3 насто повисоки во однос на септември минатата година, а превозот поскапе за 18,5 насто. Годишната инфлација достигна 5,2 насто, што е највисоко ниво од април 2024, покажаа податоците на Црногорската управа за статистика.