Немаше победник во последниот натпревар од 18. коло на шпанската Ла Лига, фудбалерите на Бетис и Рајо Ваљекано одиграа 1:1 во Севиља.
Домашните поведоа кога Иско реализираше пенал во 37. минута, додека Иси Палазон израмни на 1:1 во завршницата на дуелот. Двата тима одржуваат позитивна серија во последните кола. Бетис сега има четири победи и две нерешени во последните шест настапи во сите натпреварувања, додека Рајо Ваљекано има две победи и три нерешени во последните пет натпревари.
Бетис сега е деветти, а Рајо Ваљекано е 12-ти на прволигашката табела.
Неделни победи во 18. коло од шпанската Ла Лига остварија Виљареал на гости и Лас Палмас дома. Виљареал го совлада Леганес со 5:2 на гостински терен во меч во кој домаќините завршија со девет играчи. Прво исклучен беше Оскар Родригез во 58. минута, а потоа Хорхе Саенз во 77. минута. Јунак на гостинската победа беше францускиот фудбалер Тиемо Бери, кој ги постигна воведните три гола на Виљареал, а во финалето прецизни беа и Морено и Кабанес.
Виљареал со победата се искачи на петтото место на табелата.
Лас Палмас на домашен терен го победи Еспањол со 1:0, а единствениот гол го постигна Рамирез во 67. минута.
Фудбалерите на Реал Мадрид лесно ја совладаа Севиља на домашен терен, актуелниот шампион победи со 4:2. Реал беше особено добар во воведниот дел од натпреварот, а за да постигнат три гола му требаа нешто повеќе од половина час. Стрелци беа Мбапе во 10. минута, Валверде во 20. минута и Родриго во 34. минута. Веднаш по примениот трет гол, гостите од Севиља со голот на Ромеро намалија на 1:3, додека на почетокот на вториот дел Брахим Дијаз го врати Реал на три гола плус постигнувајќи за 4:1. До крајот на мечот Реал се опушти и во бавен ритам го дочека крајот на мечот, што гостите го искористија за вториот гол на мечот. Стрелец беше Лукебакио во 85. за конечни 4:2 за домаќините.
Со овие три бода Реал дојде на второто место на табелата и има бод помалку од лидерот Атлетико. Третата Барселона има два бода помалку од Реал, но и натпревар повеќе од двата мадридски ривала. Севиља остана на 12. место на табелата.
Немаше победник на првиот неделен натпревар од 18. коло, фудбалерите на Валенсија и Алавес одиграа 2:2. Така и двете екипи по долго време сѐ уште чекаат на првенствена победа. Валенсија последен пат славеше пред еден месец, а Алавес на првиот ден од ноември.
Алавес поведе во седмата минута со голот на Карлос Мартин. До 70. минута гостите имаа минимални 1:0, но потоа домашните навивачи ги загреа Луис Риоха, кој од пенал израмни на 1:1. Гостите повторно поведоа во 88. минута кога Хоан Жордан реализираше пенал за 2:1, но Валенсија сепак успеа да дојде до бод со гол во 98. минута. Дани Гомез добро реагираше со лизгачки старт на исфрлената топка и погоди за конечни 2:2.
Секоја екипа напредуваше по едно место, Алавес сега е 16-ти, а Валенсија е претпоследна 19-та во табелата.
Слични новости
Аталанта ја забележа 11. победа во низа, Рома убедлива а Јуве извлече три бода кај Монца
Во последниот натпревар од неделната програма од 17. коло на италијанскиот фудбалски шампионат, Јувентус ја совлада Монца како гостин со 2:1 (2:1)
Премиер лига: Ливерпул супериорен против Тотенхем, Челзи ремизираше, уште едно понижување за Јунајтед
Ливерпул ја зголеми предноста на врвот на табелата во англиската Премиер лига на четири бода пред второпласираниот Челзи, благодарение на победата со 6:3 (3:1) на гости против Тотенхем Хотспур во голеадата во северен Лондон во последниот натпревар од 17. коло
Бундеслига: Победа на Борусија Д. во Волфсбург, прва првенствена победа на Бохум
Фудбалерите на Борусија Дортмунд во последниот натпревар од 15. коло на германската Бундеслига славеа против Волфсбург со убедливи 3:1