Реал Мадрид ремизираше со Осасуна откако беше исклучен Белингам

Реал Мадрид ја пропушти шансата да се одлепи на четири бодови разлика од своите ривали во шпанската Ла Лига, откако ремизираше со Осасуна 1:1. Реал Мадрид поведе во 11 минута со голот на Килијан Мбапе, а потоа пред крајот на првото полувреме англискиот интернационалец Џад Белингам доби црвен картон. Во второто полувреме со играч повеќе Осасуна успеа да изедначи од пенал.

Киксот на Реал не го искористи второпласираниот Атлетико Мадрид кој одигра нерешено со Селта. И Атлетико играше со играч помалку и од тоа уште од седмата минута на мечот кога црвен картон доби Бариос по интервенција на ВАР собата. Натпреварот заврши 1:1, а Атлетико спасуваше бод и израмни во 81 минута, откако Селта поведе од пенал во 68 минута од мечот.