Реал Мадрид мора да доведе централен бек во летниот преоден рок, а главен кандидат за таа позиција е 22-годишниот англиски репрезентативец на Евертон, Џерад Брантвејт, објавија во средата британските медиуми.
„Кралскиот клуб“ е многу слаб на стоперската позиција. Бразилецот Едер Милитао поради повреда нема да игра до крајот на оваа сезона, а на Антонио Рудигер (31) и Давид Алаба (32) им истекуваат договорите во јуни следната година. Тренерот на Реал, Карло Анчелоти добро го познава Брантвејт, кој го имаше своето деби во Премиер лигата додека „Дон Карло“ беше на чело на Евертон.
Минатото лето Манчестер Јунајтед беше заинтересиран за Брантвејт, но Евертон категорично ја одби нивната понуда. „Тофите“ бараат висока отштета за англискиот репрезентативец, а тоа можат да го сторат бидејќи неговиот договор е до јуни 2027 година, со опција за продолжување на уште една сезона. Британските медиуми пишуваат дека Евертон не сака да го продаде Брантвејт, но дека ќе се разгледаат понудите поголеми од 85 милиони евра.
Слични новости
Серија А сака да игра натпревари во САД
Европските фудбалски гиганти со години ги посетуваат САД на претсезонски натпревари, но Италијанците сега сакаат да играат официјални првенствени натпревари на американска почва во рок од три години
Баерн ќе го изложи дресот со број 5 на Бекенбауер под покривот на „Алијанц Арена“
Откако го „пензионираше“ дресот со бројот што го носеше Франц Бекенбауер, клупската легенда која почина на почетокот на јануари 2024 година, Баерн Минхен одлучи во иднина да го изложува под покривот на „Алијанц Арена“, објави во вторникот баварскиот клуб
Винисиус сака што поскоро да го обнови договорот со Реал Мадрид
Бразилскиот напаѓач Винисиус Јуниор изјави дека е среќен во Реал Мадрид и сака што поскоро да го обнови договорот со Кралскиот клуб