Рафинеријата за нафта Панчево вчера го започна процесот на затворање на производствените капацитети поради недостиг на сурова нафта за преработка, што е резултат на санкциите што Министерството за финансии на САД ги воведе врз НИС.
По целосното затворање, доколку пристигне американската лиценца OFAK за продолжување на работата на НИС, ќе бидат потребни најмалку две недели за повторно започнување на производството.
Процесот на исклучување, како што е соопштено, се одвива според принципот што се применува кога станува збор за планирани ремонти и се спроведува во согласност со законите на Република Србија, внатрешните правила на компанијата и најстрогите еколошки стандарди и правилата за безбедност и здравје при работа.
За да се спречи корозија системите се полнат со азот. Овој режим може да трае до три месеци, а повторното активирање би било можно за околу еден месец. Ако рафинеријата се исклучи целосно и мирува подолго од три месеци, потребни се четири или повеќе месеци за нејзино повторно пуштање во работа.
НИС соопшти дека продолжува да го снабдува домашниот пазар со нафтени деривати без прекин, благодарение на претходно обезбедените залихи.
Слични новости
Секоја четврта продавница не издава фискални сметки
До крајот на ноември годинава, Управата за јавни приходи (УЈП) спровела околу 4.000 контроли за регистрирање на готовинскиот промет, што претставува зголемување за 2,5 пати во однос на истиот период минатата година
Доларот падна во однос на кошничка валути втора седмица по ред
На светските пазари, вредноста на американскиот долар во однос на кошничка валути падна минатата седмица, втора по ред, бидејќи инвеститорите веруваат дека американската централна банка ќе ги намали клучните каматни стапки следната седмица
Раст на светските берзи, се чека намалување на каматните стапки во САД
Цените на акциите на светските берзи пораснаа минатата седмица, втора по ред, благодарение на верувањето на инвеститорите дека американската централна банка ќе ги намали каматните стапки следната седмица