Бразилските фармери на кафе речиси ги испразнија своите магацини, половина година пред новата жетва, поради порастот на побарувачката што речиси двојно ги зголеми цените во изминатите 14 месеци.
Цените на соратата Арабика, најпопуларното зрно кое се користи во повеќето мелено печено кафе, скокнаа за дури 70 отсто во 2024 година и речиси 20 проценти од почетокот на оваа година. Пред три седмици надминаа 4,30 долари за фунта, односно 0,45 килограми.
Сортата Робуста, второто најпопуларно зрно кое често се користи за производство на инстант кафе, поскапе за 72 отсто минатата година.
„Никогаш не сме имале толку ниски залихи во февруари и сè уште сме далеку од новата култура. Нема да имаме многу кафе за продавање до следната жетва. И не сме сами, секаде е вака“, вели Вилијан Сезар Фреирија, менаџер за продажба во третата по големина кафе кооператива во Бразил.
Иста е состојбата и во Cooxupe, најголемото светско здружение на одгледувачи на кафе, во бразилската држава Минас Жераис, најголемиот производител.
„Има многу кафе во магацините, но речиси целото е продадено на крајните клиенти и само чека испорака – изјави координаторот за складирање Андре Силва Пинто.
Според супервизорот за продажба на компанијата Cooxupe, Луиз Фернандо дос Реис, одгледувачите веќе продале 90 oтсто од минатогодишниот род.
Проценката на Cooxupe за продажбата на земјоделците е конзистентна со неодамна објавените податоци кои покажуваат историски ниски залихи.
Слични новости
Волстрит падна поради пресвртите на Трамп, европските берзи растат
На Волстрит цените на акциите драстично паднаа минатата седмица поради неизвесноста околу трговската политика на Вашингтон, додека европските берзи пораснаа откако Европската централна банка дополнително ги намали каматните стапки
Швеѓаните почнуваат бојкот на американските производи како одговор на промената на политиката на САД
Серијата иницијативи за бојкот на американските производи се појави како одговор на промената на американската политика, вклучувајќи да одлуката на Вашингтон да ја прекине поддршката на Украина и да воведе царински тарифи на стоките од Европа
Повеќе од 150 000 работни места отворени во САД, иако расте невработеноста
Во Америка во февруари се отворени 150 000 работни места, но и покрај тоа, невработеноста порасна на 4,1 насто поради заканите на претседателот Трамп со трговски војни и најавите дека од САД ќе бидат вратени милиони имигранти.