Европските берзи бележат раст во претпладневното тргување во понеделникот по остриот пад минатата седмица, бидејќи инвеститорите се надеваат дека американската централна банка повторно ќе ги намали каматните стапки оваа година.
Индексот STOXX 600 на водечките европски акции порасна за 0,5 отсто во првиот пресек од тргувањето, откако минатата седмица потона за 2,2 отсто. Од утрово, лондонскиот индекс FTSE порасна за 0,32 отсто на 9.570 поени, додека франкфуртскиот DAX скокна за 0,76 отсто на 23.270 поени, а парискиот CAC 40 доби 0,33 отсто на 8.010 поени.
Цените на акциите пораснаа претпладнево и на азиските берзи. Индексот MSCI на акциите од Азиско-пацифичкиот регион, без јапонските, во истиот временски пресек како и во Европа порасна за околу 0,5 отсто, откако минатата седмица потона за околу 3 отсто. Претпладнево цените на акциите во Индија, Шангај, Австралија и Хонгконг пораснаа за меѓу 0,1 и 2 отсто, додека благо паднаа во Јужна Кореја. Во Јапонија берзата не работи поради празник.
Растот на индексите во голема мера се должи на корекцијата на цените на технолошките акции по остриот пад од минатата седмица. Сепак, останува да се види дали ќе продолжи закрепнувањето на овој сектор, во кој цените на акциите значително флуктуираа последните седмици.
Технолошкиот сектор долго време расте силно, благодарение на еуфоријата во врска со развојот на вештачката интелигенција, но последните седмици инвеститорите се загрижени за високите цени на технолошките акции и огромните инвестиции во овој сектор.
Пазарите се поткрепени од надежта за уште едно намалување на каматните стапки од страна на американската централна банка оваа година, откако ги намали за 0,25 отстни поени во септември и октомври. Во петокот, Џон Вилијамс, претседател на филијалата на Fed во Њујорк, изјави дека централната банка би можела дополнително да ги намали каматните стапки, бидејќи, според него, слабоста на пазарот на трудот во моментов претставува поголем ризик од зголемена инфлација.
Сепак, некои други претставници на Федералните резерви велат дека натамошните намалувања на каматните стапки би можеле да бидат одложени додека не се види стапката на инфлацијата и додека не се види влијанието на двете претходни намалувања на каматните стапки врз економијата.
Пазарите се поддржани и од растот на американските термински индекси (индексни фјучерси), што предвидува пораст на цените на акциите на Волстрит во понеделник, откако нагло паднаа минатата седмица. Фјучерсите на Dow Jones, S&P 500 и Nasdaq моментално се во раст за меѓу 0,3 и 0,75 отсто.
Слични новости
Усогласена Регулативата за целосна забрана на увозот на руски гас во ЕУ
Се проценува дека оваа Регулатива ќе резултира со ставање крај на зависноста на ЕУ од руските енергенси, ќе има значителни ефекти врз европскиот енергетски пазар, правејќи го отпорен и независен
Европската централна банка одби да обезбеди заштитни мерки за кредитот за Украина од 140 милијарди евра
Одлуката на ЕЦБ значи дека ЕК мора да разгледа алтернативни механизми за финансирање или дополнително да преговара со институциите на членките на ЕУ.
ОПЕК се откажа од зголемено производство, цените на нафтата во пораст
Цените на нафтата пораснаа за близу два насто, што е најмногу во изминатите седум дена, откако ОПЕК плус потврди дека се откажа од зголеменото производство на нафта планирано за првиот квартал од наредната година.