Цените на акциите пораснаа на европските берзи во понеделник во претпладневното тргување што е највисоко во рударскиот сектор.
Индексот STOXX 600 на водечките европски акции во првиот дневен пресек од тргувањето порасна за 0,3 отсто. Истовремено, лондонскиот FTSE индекс зајакна за 0,39 отсто, на 8.340 поени, додека франкфуртски DAX порасна за 0,16 отсто, на 20.420 поени, а париски CAC за 0,72 отсто, на 7.480 поени.
Цените на акциите пораснаа во повеќето сектори, а највисоко во рударството, во просек за 1,5 отсто. Така, берзанските индекси ја следат насоката на индексот S&P 500 на Волстрит, кој во петокот достигна ново рекордно ниво.
Ова се должи на очекувањата дека американската цетрална банка Федералните резерви (Federal Reserve – Fed) и Европската централна банка (ECB) дополнително ќе ги намалат каматните стапки во декември за да го поддржат економскиот раст.
А на азиските берзи се тргува внимателно. Индексот MSCI на азиско-пацифичките акции порасна за 0,3 отсто во иститот пресек од тргувањето во Европа. Истовремено, на токиската берза индексот Nikkei зајакна за 0,2 отсто, додека цените на акциите во Австралија и Хонгконг пораснаа меѓу 0,2 и 2,8 отсто. Во Шангај и Јужна Кореја, пак, тие паднаа меѓу 0,1 и 2,8 отсто.
Инвеститорите сè уште се фокусирани на политичката криза во Јужна Кореја, откако претседателот Јун Сук Јеол првпат ја воведе и наскоро ја укина вонредната состојба минатата седмица. Продолжуваат протестите и политичката драма за тоа дали тој ќе остане претседател.
Инвеститорите се плашат од продлабочување на политичката криза и негативните последици од таа криза врз економијата, иако надлежните велат дека ќе ја обезбедат сета потребна финансиска ликвидност.
На пазарите негативно влијаеа и податоците за падот на потрошувачките цени во Кина во ноември за 0,6 отсто на месечно ниво, додека тие пораснаа за само 0,2 отсто на годишно ниво. Производните цени, пак, на годишно ниво паднаа за 2,5 отсто.
Сето ова укажува дека растот на кинеската економија е побавен од очекуваното и дека властите можеби ќе треба да воведат нови стимулативни мерки.
Слични новости
Нафтата благо поскапе поради падот на залихите во САД
Цените на нафтата во четвртокот благо пораснаа поткрепени од падот на залихите на сирова нафта во САД, но нивниот раст беше ограничен бидејќи американската централна банка сигнализираше дека ќе го забави темпото на намалување на каматните стапки во 2025 година, што би можело да му наштети на економскиот раст, да ја намали побарувачката и да го зајакне американскиот долар
Продажбата на нови автомобили во ЕУ во ноември падна за два отсто
Продажбата на нови автомобили во Европската унија е намалена за околу два отсто во ноември, покажаа податоците на Европската асоцијација на производители на автомобили (ACEA) во четвртокот
Европските берзи драстично паѓаат по пораките на Fed
Европските акции остро паднаа во четвртокот претпладнето, како и Волстрит претходниот ден, бидејќи американската централна банка соопшти дека планира да го забави темпото на олабавување на монетарната политика