Американската банкарска групација „Wells Fargo“ извести во средата за раст на добивките во четвртиот квартал од 2024 година, поттикнат од инвестициското банкарство.
Нето каматниот приход на четвртиот најголем американски заемодавател, што ја претставува разликата помеѓу расходите за камати кои банките ги плаќаат на штедачите и каматите што ги добиваат, се зголеми на 5,08 милијарди долари, или 1,43 долари по акција, објави банката денеска, во споредба со 3,45 милијарди долари или 86 центи по акција, на годишно ниво (2023).
Во меѓувреме, приходите на „JPMorgan Chase“, исто така, пораснале откако трговците и банкарите на групацијата пријавија неочекувани добивки од закрепнувањето на пазарот во четвртиот квартал. Добивката беше 14 милијарди долари или 4,81 долари по акција за кварталот што заврши на 31 декември, соопшти денеска најголемата американска банка, во споредба со 9,3 милијарди долари или 3,04 долари по акција една година порано.
Добивката беше поддржана од силната економија и намалувањето на каматните стапки што ја поттикна продажбата на акции и понудите на обврзници.
Напредното опкружување, исто така, предизвика повеќе спојувања и превземања по години слаба активност.
Приходите од инвестициското банкарство на JPMorgan Chase се зголемија за 46 отсто на 2,6 милијарди долари.
Слични новости
Царините на Трамп може да го намалат американскиот извоз за 22 насто
Новите царини на американската администрација на Доналд Трамп врз Канада, Мексико и Кина, би можеле да го намалат американскиот извоз за 22 насто, доколку погодените држави возвратат со контрамерки, се наведува во денеска објавената анализа на Институтот за економски истражувања од Минхен.
Пад на вредноста на доларот, нафтата поевтини
На валутните пазари во раното тргување во вторникот падна вредноста на америакнскиот долар во однос на кошницата валути
Пад на Волстрит во нестабилното тргување
Се чини дека претстои нестабилно тргување за глобалните берзи, бидејќи наметнувањето царини може да предизвика трговска војна