Договорот за прекин на огнот меѓу САД и Иран, кој требаше да овозможи 60 дневен временски период за постигнување конечен мировен договор истече денеска, без шанси за негово продолжување.
Војната не само што не заврши, туку очигледно Вашингтон и Техеран остануваат на крајно спротивставени позиции, со сосема поинаква интерпретација на тоа што се случува и кој всушност го контролира Ормускиот теснец, низ кој пред да почне американско -израелската војна против Иран, минуваше околу 20 проценти од светската нафта.
Претседателот на САД, Доналд Трамп, кој неодамна изрази и желба да го прогласи теснецот за американска територија, и натаму инсистира дека Соединетите држави се тие кои всушност ја контролираат виталната нафтена рута.
Ако ги погледнете бројките што ги постигнуваме, теснецот е отворен, а цените на нафтата се намалуваат и ќе продолжат да се намалуваат, освен ако не одлучиме да преземеме нешто многу подрастично од она што го правиме сега“– рече американскиот претседател, Доналд Трамп.
Тврдењето на Трамп дека цените на нафтата се намалени веднаш го демантираа светските берзи, каде денеска цената на глобалниот стандард – нафтата „Брент“ се искачи на 91 долар, што е највисоко ниво од јули.
Иран пак порача дека Ормутскиот теснец нема да биде отворен се додека САД не ги исполнат условите од договорот.
Од друга страна Техеран е блиску до постигнување договор со Оман, што го разлути Доналд Трамп кој и се закани на земјата која важи за традиционален сојузник на САД дека жестоко ќе ја бомбардира, ако САД не бидат задоволни од дговорот меѓу Иран и Оман.
Слични новости
Студентка во Иран осудена на смрт поради објава на социјалните мрежи
Дваесет и тригодишната студентка Наџме Амини од Иран е осудена на смрт под обвинение за богохулење поради објава на социјалните мрежи, објавија организации за човекови права.
Трамп побара оставка од амбасадорката во Грција – побарала од бизнисмен да и уплати 100.000 долари
Американскиот претседател Доналд Трамп побара оставка од американската амбасадорка во Грција, Кимберли Гилфојл, по медиумските извештаи во кои се изнесени обвинувања дека нудела пристап до функционери во администрацијата во замена за пари, подароци и услуги.
По успешната операција на белите дробови Папата Лео XIV е во добра здравствена состојба
По одредената дијагноза рак на белите дробови, Папата Лео XIV е успешно опериран на десното белодробно крило, соопшти Ватикан. Операцијата траела 90 минути и била извршена во болницата Џемели во Рим.