Криминалната група за трговија со оружје која делуваше на Косово и Албанија е разбиена по девет месеци истрага на Специјалното обвинителство на Косово со Обвинителството на Основниот суд од општа надлежност во Тирана и притоа се уапсени 16 лица, соопшти денеска Специјалното обвинителство.
„Специјалното обвинителство на Косово во врска со овој случај ја информира јавноста дека во април годинава добило информација во врска со сомнение дека одредени државјани на Косово и Албанија се занимаваат со увоз, извоз, снабдување, транспорт, посредување и неовластено продажба на оружје или експлозивни материјали по добивањето на таа информација ја овластила косовската полиција да преземе истражни дејствија, заради прибирање докази“, се наведува во соопштението.
Во акцијата спроведена во Косово и Албанија се уапсени вкупно 14 лица. На Косово се уапсени и приведени осум осомничени, од кои шест се од Косово, двајца се државјани на Албанија, а уште шестмина се уапсени во Албанија.
Како што е соопштено, на 10 декември косовската полиција извршила проверка на девет објекти на осомничените и пронајде и заплени 29 пиштоли, три долги пиштоли од различни модели, 2.635 куршуми од различни модели, две возила и друга опрема.
Во меѓувреме, на 11. декември, под раководство на Обвинителството на Основниот суд во Тирана, е спроведена акција за извршување на налози за апсење на шест лица и проверка на нивните станови. При таа акција се уапсени шест лица за кривично дело трговија со оружје и муниција сторено во соработка.
Запленети се 22 парчиња огнено оружје „Зораки“, едно огнено оружје Ак 47, офанзивна рачна бомба и 470 куршуми од разни видови. Одземени се и три возила, значителна сума пари и 10 мобилни уреди.
Од спроведените истраги, документирани се случаи на продажба на огнено оружје, главно пиштоли „Зораки“, кои од Косово биле пренесени во Албанија.
Слични новости
Борисов: Се изгуби многу време за Северна Македонија
Досега преговорите се одвиваат добро. A колку е потивко, толку подобро. Нека поминат сите теми па после ќе разговараме. Ова го изјави лидерот на ГЕРБ Бојко Борисов на маргините на Собранието на третиот ден од почетокот на преговорите меѓу ГЕРБ и ДБ за влада
Во Атина уапсени службеници во пристаништето поради вмешаност во трговија со кокаин
Двајца раководители на терминалите за контејнери се уапсени бидејќи биле вмешани во ланец на трговија со кокаин, соопшти грчката гранична полиција....
НАТО: Србија сама треба да одлучи какви односи сака со Алијансата
На конференцијата „НАТО и партнери 2024: Преку доверба до мир“, одржана во Белград, беше истакнато дека Србија сама треба да одлучи за своите односи со НАТО, а Алијансата ќе ја почитува секоја одлука.