Бугарското Народно собрание, ја избра новата Влада предводена од премиерот Румен Радев, предложена од партијата Прогресивна Бугарија.
Пратениците првин го избраа Радев за претседател на Владата. За неговиот избор гласаа 124 пратеници од Прогресивна Бугарија, пратениците од ГЕРБ – СДС беа воздржани, а ДПС, Демократска Бугарија, Продолжуваме со промените и Преродба гласаа против. Вкупно гласаа 230 пратеници.
По гласањето, новите министри положија свечена заклетва.
Во составот на новата Влада, влегуваат и Иван Демерџиев како министер за внатрешни работи, Димитар Стојанов за одбрана, Велислава Петрова-Чамова за надворешни работи, Николај Надејнов за правда, Иван Василев за иновации и дигитална трансформација, Ива Петрова за енергетика, Георги Пеев за транспорт и врск.
Во новата бугарска влада се и Иван Шишков за регионален развој, Росица Каранфилова за животна средина, Пламен Абровски за земјоделство, Наталија Ефремова за труд и социјална политика, Катја Ивкова за здравство, Георги Волчев за образование, Евтим Милошев за култура, Илин Димитров за туризам и Енчо Кирјазов за млади и спорт.
Слични новости
Цената на нафтата надмина 110 долари за барел
Утрово на берзите нафтата од типот Брент порасна за 1,7% на 110, 1 долар, а цената на американската сурова нафта Фјучерси WTI порасна за 1,6 % на околу 98 долари за барел, достигнувајќи двонеделен максимум.
Мерц вели дека САД се „понижени“ од Иран
Германскиот канцелар Фридрих Мерц изјави дека САД се „понижени“ од иранското раководство, сугерирајќи дека администрацијата на Доналд Трамп е надмината на преговарачката маса.
Томас Ален, напаѓачот на вечерата во Белата куќа обвинет за атентат врз Трамп
Напаѓачот кој во неделата се обиде да влезе на вечерата на дописниците од Белата куќа е обвинет за обид за атентат врз американскиот претседател Доналд Трамп, соопшти Министерството за правда на Соединетите Американски Држави.