Рускиот претседател Владимир Путин и кинескиот претседател Си Џинпинг денеска преку видео повик разговараа за понатамошно зајакнување на соработката меѓу нивните земји.
Путин го нарече Си „драг пријател“ и му посака мир и просперитет на народот на Кина, нагласувајќи го пријателскиот однос меѓу двете земји. Рускиот претседател нагласи дека односите меѓу Русија и Кина се развиваат силно и прогресивно во сите области, без оглед на меѓународната ситуација.
Зборувајќи за трговската соработка, Путин истакна дека трговската размена меѓу Русија и Кина надмина 200 милијарди долари трета година по ред, додавајќи дека сеопфатното партнерство и стратешката интеракција на двете земји служат како пример за меѓународна соработка.
Путин, исто така, му се заблагодари на Си за воведувањето безвизен режим за руските граѓани и го пофали претседателството на Кина со Шангајскатаорганизација за соработка (ШОС), кое, според него, донесе значајни резултати.
Рускиот претседател истакна дека Русија и Кина достоинствено ја прославија 80-годишнината од победата во Втората светска војна во Москва и Пекинг и додаде дека руско-кинескиот тандем игра клучна улога на меѓународни платформи како што се ОН, БРИКС и ШОС.
Путин заклучи дека Русија е подготвена да продолжи со најтесната координација со Кина по глобалните и регионалните прашања, нагласувајќи дека кинескиот народ е пријателски расположен и дека сеопфатното партнерство на двете земји е модел на стратешка соработка.
Слични новости
Исламабад под високи безбедносни мерки пред клучните преговори САД – Иран
Пакистанската престолнина денеска е под засилени безбедносни мерки и речиси целосно мирна, додека властите го затворија градот пред почетокот на преговорите меѓу САД и Иран, чија цел е постигнување траен прекин на огнот по повеќенеделен конфликт.
Израел соопшти дека ја продолжува војната во Либан против Хезболах
Начелникот на генералштабот на Одбранбените сили на Израел генерал Ејал Замир денеска изјави дека борбата против Хезболах во Либан е примарната зона на неговата војска.
Историски пад на довербата на Американците во Британија
Мнозинството Британци сметаат дека САД се „негативна сила во светот“, покажа новата анкета на агенцијата „Паблик Фирст“, спроведена за Лондоснката конференција за одбрана.