Рускиот претседател Владимир Путин и кинескиот претседател Си Џинпинг денеска преку видео повик разговараа за понатамошно зајакнување на соработката меѓу нивните земји.
Путин го нарече Си „драг пријател“ и му посака мир и просперитет на народот на Кина, нагласувајќи го пријателскиот однос меѓу двете земји. Рускиот претседател нагласи дека односите меѓу Русија и Кина се развиваат силно и прогресивно во сите области, без оглед на меѓународната ситуација.
Зборувајќи за трговската соработка, Путин истакна дека трговската размена меѓу Русија и Кина надмина 200 милијарди долари трета година по ред, додавајќи дека сеопфатното партнерство и стратешката интеракција на двете земји служат како пример за меѓународна соработка.
Путин, исто така, му се заблагодари на Си за воведувањето безвизен режим за руските граѓани и го пофали претседателството на Кина со Шангајскатаорганизација за соработка (ШОС), кое, според него, донесе значајни резултати.
Рускиот претседател истакна дека Русија и Кина достоинствено ја прославија 80-годишнината од победата во Втората светска војна во Москва и Пекинг и додаде дека руско-кинескиот тандем игра клучна улога на меѓународни платформи како што се ОН, БРИКС и ШОС.
Путин заклучи дека Русија е подготвена да продолжи со најтесната координација со Кина по глобалните и регионалните прашања, нагласувајќи дека кинескиот народ е пријателски расположен и дека сеопфатното партнерство на двете земји е модел на стратешка соработка.
Слични новости
Венс: Документите за Епстин покажуваат колку се американските елити трули и инцестуозни
Американскиот потпретседател Џеј-Ди Венс остро ја осуди, какошто ја нарече „инцестуозната природа на американските елити“, откако Министерството за правда на САД објави нова серија документи поврзани со починатиот сексулаен престапник Џефри Епстин.
Преговои во целосна тајност: Москва, Киев и Вашингтон преговараат во Абу Даби зад затворени врати
Денеска во Абу Даби се одржува нова рунда од руско-украинските преговори со посредство на Вашингтон зад затворени врати, објавуваат руските медиуми. Извори во руската делегација изјавија дека новинарите не се повикани да ги следат разговорите и дека тие ќе се одржуваат во целосна тајност.
Илон Маск прогласи почеток на нова граѓанска војна во САД
Американскиот милијардер Илон Маск оцени дека масовните протести против постапките на имиграциската полиција на САД „ИЦЕ“ се сигнал дека во земјата започна „нова граѓанска војна“, пренесуваат американските медиуми.