Рускиот претседател Владимир Путин и кинескиот претседател Си Џинпинг денеска преку видео повик разговараа за понатамошно зајакнување на соработката меѓу нивните земји.
Путин го нарече Си „драг пријател“ и му посака мир и просперитет на народот на Кина, нагласувајќи го пријателскиот однос меѓу двете земји. Рускиот претседател нагласи дека односите меѓу Русија и Кина се развиваат силно и прогресивно во сите области, без оглед на меѓународната ситуација.
Зборувајќи за трговската соработка, Путин истакна дека трговската размена меѓу Русија и Кина надмина 200 милијарди долари трета година по ред, додавајќи дека сеопфатното партнерство и стратешката интеракција на двете земји служат како пример за меѓународна соработка.
Путин, исто така, му се заблагодари на Си за воведувањето безвизен режим за руските граѓани и го пофали претседателството на Кина со Шангајскатаорганизација за соработка (ШОС), кое, според него, донесе значајни резултати.
Рускиот претседател истакна дека Русија и Кина достоинствено ја прославија 80-годишнината од победата во Втората светска војна во Москва и Пекинг и додаде дека руско-кинескиот тандем игра клучна улога на меѓународни платформи како што се ОН, БРИКС и ШОС.
Путин заклучи дека Русија е подготвена да продолжи со најтесната координација со Кина по глобалните и регионалните прашања, нагласувајќи дека кинескиот народ е пријателски расположен и дека сеопфатното партнерство на двете земји е модел на стратешка соработка.
Слични новости
Трамп и упати писмо на Кина да не испраќа оружје на Иран, Пекинг демантираше
Американскиот претседател Доналд Трамп изјави дека писмено побарал од кинескиот претседател Си Џинпинг да не дава оружје на Иран. Кинескиот претседател му одговорил дека Кина не го снабдува Иран со оружје.
Хезболах: Преговорите на либанската влада со Израел се национален грев
Состанокот меѓу Израел и Либан што го организираше американскиот министер за надворешни работи Марк Рубио е прв директен разговор меѓу Израел и Либан во последните 10-години.
Четири убиени лица, 20 повредени – ново пукање во училиште во Турција
Четири лица загинаа, а 20 се повредени кога средношколец денеска отвори оган во училиште во југоисточната турска провинција, Караманмарас