Рускиот претседател Владимир Путин и кинескиот претседател Си Џинпинг денеска преку видео повик разговараа за понатамошно зајакнување на соработката меѓу нивните земји.
Путин го нарече Си „драг пријател“ и му посака мир и просперитет на народот на Кина, нагласувајќи го пријателскиот однос меѓу двете земји. Рускиот претседател нагласи дека односите меѓу Русија и Кина се развиваат силно и прогресивно во сите области, без оглед на меѓународната ситуација.
Зборувајќи за трговската соработка, Путин истакна дека трговската размена меѓу Русија и Кина надмина 200 милијарди долари трета година по ред, додавајќи дека сеопфатното партнерство и стратешката интеракција на двете земји служат како пример за меѓународна соработка.
Путин, исто така, му се заблагодари на Си за воведувањето безвизен режим за руските граѓани и го пофали претседателството на Кина со Шангајскатаорганизација за соработка (ШОС), кое, според него, донесе значајни резултати.
Рускиот претседател истакна дека Русија и Кина достоинствено ја прославија 80-годишнината од победата во Втората светска војна во Москва и Пекинг и додаде дека руско-кинескиот тандем игра клучна улога на меѓународни платформи како што се ОН, БРИКС и ШОС.
Путин заклучи дека Русија е подготвена да продолжи со најтесната координација со Кина по глобалните и регионалните прашања, нагласувајќи дека кинескиот народ е пријателски расположен и дека сеопфатното партнерство на двете земји е модел на стратешка соработка.
Слични новости
Нови ирански напади врз американските бази во Катар, Кувајт и Ирак, погодени и товарни бродови во Ормутскиот теснец
Како што соопшти официјален Техеран, бил покренат и „масовен ракетен напад“ врз американската Пета флота во регионот и дека станува збор за најразурнувачкиот напад од почетокот на војната.
Американската војска тврди дека уништи 16 ирански бродови кои поставувале мини во Ормутскиот теснец, за што објави снимки
Американската војска тврди дека нападнала и уништила 16 ирански бродови за поставување мини во близина на Ормускиот теснец, откако се појавија извештаи дека Иран почнал да поставува експлозивни направи во овој стратешки важен поморски пат.
„Њујорк тајмс“: Моџтаба Хамнеи ранет на првиот ден од војната
Повредата се случила за време на нападот врз станбен комплекс каде што се наоѓале неговиот татко и сопруга, кои загинаа. Степенот на повредата на Хамнеи сè уште не е јасен.