Претседателот на Русија Владимир Путин изјави дека ситуацијата на фронтот во Украина дава основа да се каже дека војната во Украина се приближува кон крајот. Путин сепак рече дека не е можно да се одредат специфични датуми за окончување на конфликтот, но дека тој изјавата ја дава врз основа на анализа на состојбата на фронтот, како и дека руската армија е во офанзива на сите делови од фронтот во Украина.
Путин порача и дека Русија не води агресивна политика кон западот и дека е подготвена за мир, но дека Европа, не посакува таков мир.
Тој рече и дека европските земји засега не предложиле посредник во преговорите со Русија, а дека за него поранешниот германски канцелар Герхард Шредер би бил прифатлив, затоа што смета дека тоа е човек на кој може да му се верува.
Слични новости
Зеленски го одби предлогот на Мерц: Украина не сака во ЕУ без право на глас
Украинскиот претседател Володимир Зеленски го отфрли предлогот на германскиот канцелар Фридрих Мерц Украина да добие статус на придружна членка на ЕУ, порачувајќи дека Киев не прифаќа ограничен формат без право на глас.
Евакуација на 40.000 луѓе во Калифорнија поради истекување на опасна хемикалија
Околу 40.000 жители во американската сојузна држава Калифорнија добија наредба за итна евакуација од своите домови поради големо истекување на опасна хемиско супстанца, која може да предизвика експлозија и да формира отровен облак над густо населено подрачје.
Студентите во Србија организираат нов протест за демократизација на Србија и вонредни избори
Студентите во Србија ги повикаа граѓаните на Србија на денешниот голем протестен митинг во Белград под мотото „Ти и јас, Славија“, како дел од кампањата „Студентите победуваат“, од каде ќе побараат одржување вонредни парламентарни избори и демократизација на земјата.