Во четвртокот со Волстрит завладеа жестока распродажба, предводена од акциите на компаниите кои учествуваат во изградба на центри на податоци за вештачката интелигенција.
Индексот СП 500 падна за 4,4 насто, забалежувајќи најголем пад од април 2025 кога Трамп го потресе светот со воведување огромни царини. Технолошката берза НАСДАК падна за големи 5,5 насто.
НАСДАК во кој доминираат акциите на технолошките компании-вклучувајќи ги и оние поврзани со вештачката интелигенција сега е 11,9 насто под историскиот максимум достигнат минатиот месец.
Светските берзи на акции се најдоа под голем притисок поради континуираниот пад на вредноста на компаниите кои профитираа од процутот на вештачката интелигенција. Аналитичарите истакнуваат дека цените во секторот на вештачката интелигенција премногу пораснаа и дека станува збор за „надуван балон“.
Дополнителен предизвик претставуваа и американските избори на половина од мандатот.
Победата на демократите во САД ја отворија можноста властите да наложат запирање на изградбата на нови центри за податоци. Секое успорување на изградбата на центри за податоци за вештачката интелигенција ќе значи намалување на побарувачката за специјализирани чипови
Компанијата Енвидија која брзо стана симбол на процутот на вештачката интелигенција падна за 9,3 насто и беше најголем товар за СП 500.
Слични новости
Нафтата поевтини поради очекувања на преговори меѓу Иран и земјите од Персискиот залив
Цената на сировата нафта Брент падна под 105 долари за барел, додека американската лесна сирова нафта ВТИ падна на под 100 долари за барел, откако иранските државни медиуми објавија дека се планираат разговори со земјите од Персискиот залив во Оман.
Европската централна банка би можела повторно да ги качи каматите во октомври
Официјални претставници на Европската централна банка очекуваат натамошно зголемување на каматните стапки, при што новото зголемување би можело да се очекува уште наредниот месец, додека инфлацијата која и натаму изнесува над 3 насто и натаму претставува причина за заострување на монетарната политика.
Опен АИ подготвен да го успори развојот на најсовремената вештачка интелигенција
Американската компанија ОпенАИ која го разви ЧатГПТ размислува да го успори развојот на најсовремената вештачка интелигенција, а извршниот директор на компанијата Сем Алтман изјави дека се надева дека и другите компании од оваа област ќе го направaт истото.