Фудбалерите на ПСЖ Синоќа во Салзбург го освоија суперкупот на УЕФА, откако ја победија Астон Вила со 2:1.
ПСЖ поведе со голот на Квича Кваратскелија во 20-тата минута од мечот, а пред крајот на првото полувреме израмни тинејџерот на Астон Вила Маџо, кој настапи наместо Оли Воткинс кој имаше поштеда од тренерот Унаи Емери.
Во второто полувреме Луис Енрике го воведе во игра најдобриот играч на светот за минатата сезона Осман Дембеле кој беше асистент на Дезире Дуе при победеничкиот гол кој ПСЖ го постигна во 61-тата минута од мечот.
Тренерот на ПСЖ Луис Енрике по натпреварот изјави дека ПСЖ победува и кога не игра на највисоко ниво и дека тоа за него е најважно, бидејќи тимот покажал дека има победнички ДНК.
Тренерот на Астон Вила Унаи Емери беше разочаран од поразот, но задоволен од играта на својот тим и создадени шанси. За Астон Вила не настапија неколку стандардни првотимци.
Слични новости
Фудбалерите на Лацио по пресврт го победија Удинезе
Удинезе имаше предност во 49-тата минута со голот на Јаспер Карлстром, но гостите од Рим дојдоа до пресврт со головите на Давиде Фратези во 75-тата минута и Алберт Гудмунсон во 88-та минута од натпреварот.
Европскиот шампион ПСЖ со разочарувачки старт на почетокот од сезоната
Париз Сен Жермен синоќа на домашен терен загуби од Монако со 2:1 и по три кола во француската прва лига нема ниту една победа. Поразот на домашен терен против Монако уследува откако во минатото коло ПСЖ во финишот на мечот спаси бод против Лил, а во првото коло одигра нерешено 2:2 против Рен.
Бешикташ славеше со 2:1 во дербито против Фенербахче
Домаќините поведоа со голот на Шкрињар во 26-тата минута. Ридван Јилмаз израмни на 1:1 во 38-та минута, а конечниот резултат го постави Душан Влаховиќ во 73-тата минута од мечот по прекрасна акција на Бешикташ.