Фудбалерите на ПСЖ Синоќа во Салзбург го освоија суперкупот на УЕФА, откако ја победија Астон Вила со 2:1.
ПСЖ поведе со голот на Квича Кваратскелија во 20-тата минута од мечот, а пред крајот на првото полувреме израмни тинејџерот на Астон Вила Маџо, кој настапи наместо Оли Воткинс кој имаше поштеда од тренерот Унаи Емери.
Во второто полувреме Луис Енрике го воведе во игра најдобриот играч на светот за минатата сезона Осман Дембеле кој беше асистент на Дезире Дуе при победеничкиот гол кој ПСЖ го постигна во 61-тата минута од мечот.
Тренерот на ПСЖ Луис Енрике по натпреварот изјави дека ПСЖ победува и кога не игра на највисоко ниво и дека тоа за него е најважно, бидејќи тимот покажал дека има победнички ДНК.
Тренерот на Астон Вила Унаи Емери беше разочаран од поразот, но задоволен од играта на својот тим и создадени шанси. За Астон Вила не настапија неколку стандардни првотимци.
Слични новости
Британецот Ромел Глејв го освои златото во трката на 100 метри на Европското првенство
Глејв до златото стигна со резултат од 10,09 секунди. Сребрениот медал го освои неговиот сонародник Џеремаја Азу кој забележа време од 10,16, додека бронзата му припадна на Германецот Овен Ансах со време 10,19.
Лион и Фенербахче во дуел за учество во Лигата на шампионите
Фудбалерите на Олимпик од Лион се пласираа во завршната фаза од квалификациите на Лигата на шампионите, откако на домашен терен ја победија Славија од Прага со 3:0. Во првиот меч во Прага, чешкиот клуб победи со 1:0.
Црвена Звезда елиминарана од израелски Хапоел во квалификациите на Лигата на шампионите
Црвена звезда синоќа во Белград на домашен терен загуби со 2:0 од израелски Хапоел и беше елиминирана од квалификациите за Лигата на шампионите. Головите за Хапоел ги постигнаа Златановиќ во 61-та минута и Ист во 79-тата.