Фудбалскиот клуб Париз Сен Жермен денеска ќе го прослави освојувањето ба втората последователна титула во Лигата на шампионите со навивачите на улиците на Париз, а во текот на вечерта на нивниот стадион „Паркот на принцовите“ и покрај немирите што настанаа синоќа по победата врз Арсенал во финалето.
Парискиот клуб ги повика вечерва навивачите, Парижаните и посетителите на Париз да учествуваат во прославата која ќе почне кај Ајфеловата кула.
Фудбалерите на ПСЖ ја одбранија титулата европски прваци, откако во финалето на Лигата на шампионите во Будимпешта го победија Арсенал на пенали 4:3, а натпреварот по регуларните 90 минути и продолженијата заврши 1:1.
Синоќа во Париз за време на славењето полицијата беше принудена да интервенира, по што дојде и до судир меѓу полицијата и навивачите.
Слични новости
Африканската фудбалска федерација му ја одзеде титулата африкански шампион на Сенегал и ја додели на Мароко
Во Сенегал титулата се прославуваше три дена и три ноќи, но Мароко се жалеше и бараше натпреварот да биде службено регистриран со 3:0 за Мароко, а Судот за жалби донесе таква одлука и направи историски преседан.
По елиминацијата на Манчестер сити од Реал Мадрид Пеп Гвардиола најави дека останува во Манчестер
Иако многумина веруваат дека ова му е последна сезона на Гвардиола на клупата на Манчестер тој на прес конференција изјави дека неговиот договор истекува во 2027.
Реал Мадрид сака да го доведе Мајкл Олисе од Баерн Минхен
Олисе дојде како големо засилување во Баерн од Кристал палас во 2024 за 53 милиони евра, но сега неговата вредност Трансфермаркет ја проценува на 130 милиони евра.