Договорот меѓу претседателите на Америка и на Русија Доналд Трамп и Владимир Путин за испорака на руско дизел гориво за американските пазари се соочува со големи пречки. Два од трите танкери кои го превезуваа рускиот дизел го сменија курсот и се откажаа од првично најавеното патување кон САД, објави Фајненшал тајмс.
Првиот танкер „Талисман“ кој требаше да плови до атлантскиот брег на САД го промени курсот, мина низ Гибралтар и вплови во Средоземното море и сега се наоѓа близу Алжир.
Вториот танкер „Леруо“ ја смени првичната дестинација и сега плови кон Бразил.
Двата танкери се наоѓаат под санкции на ЕУ што дополнително го отежнува нивното работење, вклучувајќи осигурување, финансиски трансакции и пристап до пристаништа.
Промените на курсот на пловење на руските танкери покажува дека привременото ублажување на американските санкции кон Русија не беше доволно за да се отстранат сите пречки во трговијата со руските нафтени деривати.
Купувачите и операторите на терминали и натаму мораат да водат сметка за прописите, санкциите врз бродовите и можните правни последици за деловна соработка со руски компании.
Во Америка има и политички отпор кон договорот Трамп-Путин, затоа што несамо Демократи, туку и некои Републиканци ја оспоруваат одлуката на администрацијата на Трамп привремено да дозволи увоиз на рускиот дизел и сметаат дека таквата трговија би можела да и обезбеди дополнителни приходи на Москва за да ја продолжи војната во Украина.
Слични новости
Ексон Мобајл и Шеврон ги надминаа очекувањата во профитите благодарение на растот на маржата во преработката на нафта
Ефективното затворање на Ормутскиот теснец и нападите врз рафинериите во Саудиска Арабија и Русија ги намалија капацитетите за производство на гориво, што ги дигна маржите во преработката на нафтата.
Цената на нафтата Брент над 113 долари на крајот од тргувањето во петокот
Причина за постојаниот раст на цената на нафтата се засилените геополитички тензии кои ги поттикнаа страхувањата за натамошни пореметувања во снабдувањето со нафта, пренесе Трејдинг економикс.
Народната банка на Србија и ја одзеде лиценцата за работа на Алта Банка – мнозински сопственик на поранешната Стопанска Банка Битола
Народната банка на Србија (НБС) донесе одлука за одземање на лиценцата за работа на Алта банка а.д. Белград, поради значително влошување на финансиската состојба и ризик за ликвидноста на банката.