Договорот меѓу претседателите на Америка и на Русија Доналд Трамп и Владимир Путин за испорака на руско дизел гориво за американските пазари се соочува со големи пречки. Два од трите танкери кои го превезуваа рускиот дизел го сменија курсот и се откажаа од првично најавеното патување кон САД, објави Фајненшал тајмс.
Првиот танкер „Талисман“ кој требаше да плови до атлантскиот брег на САД го промени курсот, мина низ Гибралтар и вплови во Средоземното море и сега се наоѓа близу Алжир.
Вториот танкер „Леруо“ ја смени првичната дестинација и сега плови кон Бразил.
Двата танкери се наоѓаат под санкции на ЕУ што дополнително го отежнува нивното работење, вклучувајќи осигурување, финансиски трансакции и пристап до пристаништа.
Промените на курсот на пловење на руските танкери покажува дека привременото ублажување на американските санкции кон Русија не беше доволно за да се отстранат сите пречки во трговијата со руските нафтени деривати.
Купувачите и операторите на терминали и натаму мораат да водат сметка за прописите, санкциите врз бродовите и можните правни последици за деловна соработка со руски компании.
Во Америка има и политички отпор кон договорот Трамп-Путин, затоа што несамо Демократи, туку и некои Републиканци ја оспоруваат одлуката на администрацијата на Трамп привремено да дозволи увоиз на рускиот дизел и сметаат дека таквата трговија би можела да и обезбеди дополнителни приходи на Москва за да ја продолжи војната во Украина.
Слични новости
Европската индустрија бара итна акција на ЕУ во однос на трговијата со Кина
Според наводите на индустриските здруженија трговскиот дефицит на ЕУ со Кина во моментов надминува милијарда евра дневно.
Нафтата Брент надмина 104 долари, индексите во пад поради страв од нова ескалација на Блискиот исток
Според податоците од берзата референтната нафта Брентденеска поскапе за 3,72 насто на повеќе од 104 долари за барел, додека американската лесна нафта ВТИ поскапе за 3,71 насто на 91,5 долари за барел.
Франција ќе ослободи 10 милиони барели дизел во наредните три месеци
Францускиот премиер Себастијан Лекорн најави дека Франција „ќе ослободи 10 милиони барели дизел од своите стратешки резерви“ во наредните три месеци, што се очекува да доведе до „пад на цената на дизелот од 10 до 18 центи“, пренесува „Фигаро“.