Производителот на камиони и автобуси MAN објави дека планира да затвори околу 2.300 работни места во својата матична земја Германија во текот на следната деценија.
Работниците нема да бидат отпуштени, изјави портпаролот на компанијата, туку работните места ќе бидат згаснувани како што вработените ќе се пензионираат. Најголемиот број работни места ќе бидат укинати во главната фабрика на MAN во Минхен, вкупно 1.300, додека фабриките во Залцгитер и Нирнберг ќе изгубат 600 и 400, соодветно. MAN мора да „се прилагоди на континуирано слабиот пазар на камиони во Германија“, рече портпаролот, додавајќи дека работењето на компанијата е оптоварено со скапа електрична енергија и високи трошоци за работна сила и зголемен притисок од азиската конкуренција.
„Влегуваме во фаза на големи инвестиции и мора да бидеме профитабилни во подолг временски период за да го прошириме нашето портфолио на производи“, рече портпаролот.
Синдикатот на металопреработувачите IG Metall, сепак, предупредува дека фабриките во Германија ќе ги почувствуваат последиците од преместувањето на производството во нова полска фабрика под управување на матичната компанија на MAN – „Traton Group“. Плановите ја загрозуваат долгорочната одржливост на главната фабрика во Минхен, нагласи претставничката на синдикатот Сибил Ванкел.
„Никој нема да ги изгуби своите работни места денеска, но на долг рок одлуката на компанијата значи дека камионите MAN во иднина ќе се произведуваат во Полска а не во Минхен“, објасни Ванкел.
Доколку сите делови за камиони се произведуваат во Полска, а потоа се транспортираат во Минхен за склопување, јасно е дека во одреден момент ќе се постави и прашањето за затворање на фабриката за склопување во Минхен, објасни претставничката на синдикатот. Карина Шнур од работничкиот совет на MAN изјави дека е „згрозена“ од однесувањето на компанијата.
„Во ниту еден момент менаџментот не беше подготвен сериозно да разговара за алтернативи на плановите за преместување“, тврди Шнур забележувајќи дека тие претставуваат „шлаканица“ за сите вработени кои вредно работата во фабриката во јужна Германија.
Претставникот на синдикатот IG Metall, Хорст От, најави дека ќе бара преговори од раководството на MAN.
„Ескалацијата нема никому да му помогне, но тие мора да знаат дека ние сме подготвени за тоа“, рече От, без да прецизира какви мерки би можеле да преземат.
IG Metall има „вистинска алатка за секој проблем“, рече претставникот на синдикатот, и од раководството зависи која ќе ја користи, заклучи тој.
Слични новости
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации
РКЕ ги намали надоместоците за дистрибуција, пренос и за операторот на пазарот на електрична енергија
Регулаторната комисија за енергетика (РКЕ) за 3,64 отсто го намали надоместокот за дистрибуција на електрична енергија, односно за користење на електродистрибутивниот систем на Електродистрибуција од 1 јануари 2026 година