Во судницата во Идризово продолжува судењето за случајот Пулс. Ќе се сослушуваат тројца сведоци предложени од Јавното обвинителство – Драги Илиевски, Дејан Рашков и Виолета Георгиевска – сите од Општина Кочани.
Одбраната на обвинетите денеска ќе треба да се изјасни дали го прифаќаат повлекувањето на некои од сведоците предложени од Обвинителството откако на минатото рочиште на сите обвинети за случајот „Пулс“ им го достави списокот со сведоци за кои предлага да бидат повлечени од постапката поради тоа што преку сведочењето на другите сведоци се утврдиле околностите.
На минатото рочиште беше сослушан сведокот Живко Ставревски, помошник-генерален инспектор во Дирекцијата за заштита и спасување (ДЗС), кој изјави дека до 2020 година не биле предвидувани редовни инспекциски надзори во општини во кои нема инспектори, а Кочани немало покриеност со инспектор за проверки и превенција.
Пожарот во дискотеката „Пулс“ во Кочани избувна на 16 март 2025 година за време на настап на групата ДНК и претставува една од најтешките трагедии во поновата историја на земјата. Во него загинаа 63 лица, а над 200 беа повредени.
Слични новости
Адвокатот Менкиновски на кој Софија му изрече забрана за влез во државата во рок од 10 години најави легална иницијатива против Бугарија
Македонската влада соопшти дека државата ќе ги искористи сите алатки кои и стојат на располагање за да го заштити секој македонски граѓанин, по забраната која адвокатот Тони Менкиновски ја доби за влез во Бугарија во времетраење од 10 години.
Од утре повторно дожд, но температурите остануваат високи
Во недела и во понеделник претпладне во Македонија повторно ќе следува краткотрајна мала промена на времето. Ќе се зголеми облачноста и ќе има локални врнежи од дожд
Во македонскиот парламент 37,5 насто од пратениците се жени
Во македонскиот парламент 37,5 проценти од пратениците се жени, што е зголемување од 3,4 процентни поени во споредба со 2015 година, покажуваат податоците на Евростат.