Во Скопје денеска продолжува средбата на Заедничката комисија за историски и образовни прашања помеѓу Македонија и Бугарија. Теми на разговор се учебниците за 7 одделение во земјава, како и можноста за заедничко чествување на Гоце Делчев.
Ќе разговараме за учебниците за 7 одделение во Република Македонија и за можноста за заедничко чествување на Гоце Делчев, изјави вчера претседателот на бугарскиот дел од Комисијата Ангел Димитров.
Новиот состав на македонскиот тим од заедничката комисија беше избран од Владата на 10 септември 2024 година. Претседател на македонскиот тим во заедничката комисија е Ванчо Ѓорѓиев, професор на Филозофскиот факултет во Скопје, а покрај Митко Панов, членови во Комисијата се и Александар Литовски, Никола Минов, Сашо Додевски, Бесник Емини и Димитар Љоровски.
Претседателот Ванчо Ѓорѓиев порано беше член на Комисијата, но ја напушти во 2021 година. Одлуката да се повлече од Комисијата, како што изјави тогаш, е бидејќи се соочил со политички притисоци во нејзината работа.
Заедничката македонско-бугарска комисија за историски и образовни прашања беше формирана како резултат на Договорот за добрососедство меѓу Македонија и Бугарија потпишан на 1 август 2017 година.
Слични новости
Шефот на унгарската дипломатија Петер Сијарто во работна посета на Македонија
Во фокусот на разговорите, како што информираат од МНР, ќе бидат можностите за унапредување на билатералната соработка меѓу двете земји, кои изминатиот период остварија интензивна соработка.
СДСМ побара оставки од Јанев и Тошковски и кривична одговорност
Уапсените полициски службеници вчера се лица кои СДСМ ги објави во серијалот „Вистината за Кочани“ како директно одговорни за дозволување на нелегалното работење на „Пулс“.
Мицкоски: Мотивите на претходната Влада биле да останат на власт, на Софија да се создаде нов, вештачки, македонски идентитет, нашиот мотив е Македонија на сите граѓани во ЕУ достоинствено
Премиерот Христијан Мицкоски во вечерашното гостување во телевизија Алсат одговарајќи на новинарско прашање зошто го обвинува и го факторизира само Бујар Османи за штетниот договор со Бугарија, беше дециден дека покрај тогашниот министер за надворешни работи Османи ги споменува и Димитар Ковачевски, Бојан Маричиќ, но прави и грешка и заборава едно лице, а тоа е Стево Пендаровски.