Блокадата со камиони на товарниот сообраќај на граничните премини во државава продолжува и денеска, како дел од заедничкиот протест на македонските и превозниците од Западен Балкан кои бараат решение за проблемите поради електронската евиденција за престој во шенген-зоната во согласност со правилото 90/180 дена од април годинава.
Наспроти блокираниот товарен сообраќај на премините кон шенген зоната, кој, според најавите ќе трае најмалку седум дена, патничкиот сообраќај, функционира непречено.
Камионските превозници од државава и нивните колеги од Србија, Црна Гора и Босна и Херцеговина, сметат дека ЕЕС системот ги дискриминира во однос на тие од ЕУ и бараат да им биде доделен посебен статус и да ги третира како туристи при влез во блокот.
Европската комисија порача дека внимателно ја следи ситуацијата и е во постојан контакт со партнерите од Западниот Балкан.
Портпаролот на комисијата Маркус Ламберт рече дека Брисел е свесен дека за бројни работници од трети земји, кои не се меѓугранични работници, можеби има потреба да останат во Шенген повеќе од 90 дена во 180 денови.
Ова ги вклучува професиите за кои е потребна висока мобилност, како што се камионџиите, спортисти и артистите. Ова исто така има врска со националните правила и постоечките билатерални договори. Ова е проблем кој го има целото наше внимание, рече портпаролот на ЕК.
Слични новости
СДСМ: По поразот на Орбан ВМРО-ДПМНЕ останува без својот единствен сојузник во ЕУ
ВМРО-ДПМНЕ останува без својот единствен сојузник во Европската Унија, велат од Социјалдемократскиот сојуз на Македонија по вчерашните избори во Унгарија
МВР соопшти дека презема мерки по обидот за опожарување објект на Еврејската заедница
Во СВР Скопје, денеска е пријавено дека во двор од верски објект биле забележани канистар за гориво и траги од горење, информираа од Министерството за внатрешни работи откако Еврејската заедница во Македонија синоќа извести за обид за опожарување на објект на Заедницата и на синагогата во Скопје.
Без задржувања на Богородица: Околу 10.000 патници за викенд во Грција
Околу 10.000 патници ја минале македонско-грчката граница кај Гевгелија во последните 24 часа и се упатиле на продолжен викенд во Грција. Според македонските гранични служби отворени биле сите шалтери за влез во Грција и задржувањето не е подолго од пет минути.