Продажбата на Тојота падна за повеќе од 7 насто

Јапонскиот производител на автомобили Тојота мотор забележа пад на продажбата на возила ширум светот втор месец по ред, пред се поради намалената побарувачка на Блискиот исток.

Вкупната продажба во март е пониска за 7,3 насто во однос на истиот период претходната година, пренесе Ројтерс. Продажбата во странство е падната за 7,2 насто, а на домашниот пазар за 7,8 насто.

Најголемиот пад Тојота го забележа на Блискиот исток каде што продаѓбата е падната за 30 насто, додека во САД падот на продажбата изнесува 8,5 насто.