Продажбата на нови автомобили во Европската унија повторно е намалена во февруари, покажаа во вторникот објавените податоците на Европската асоцијација на производители на автомобили (ACEA).
Во февруари во ЕУ се регистрирани 854.000 нови автомобили, 3,4 отсто помалку од истиот месец минатата година, пресметале во ACEA.
Продажбата на автомобили се намалува втор месец по ред, а резултатите за првите два месецa од годинава покажуваат пад од три отсто на бројот на регистрирани нови автомобили.
Меѓу водечките пазари, само Шпанија забележала раст на продажбата, за 11 отсто повеќе во споредба со февруари минатата година. Во првите два месеца од годинава продажбата е зголемена за 8,4 отсто.
Германија, најголемиот европски пазар, забележал пад од 6,4 отсто во февруари, со што продажбата во првите два месеца достигнал минус од 4,6 отсто.
Италијанскиот пазар, пак, забележал пад од шест отсто во февруари, како и на почетокот на годината. Францускиот пазар се намалил за 3,3 отсто во првите два месеца од оваа година.
Европскиот пазар за електрични автомобили со батерии пораснал за 23,7 отсто во февруари, пресметале во ACEA, по скокот од 34 отсто на почетокот на годината.
Во групата водечки пазари, Шпанија предничи со 60,6 отсто скок во продажбата. Силен раст забележаа и Италија и Германија, од 38,2 односно 30,8 отсто. Во Франција продажбата е намалена за 1,9 отсто во однос на февруари минатата година.
Во првите два месеца од оваа година, уделот на електричните автомобили на батерии на европскиот пазар изнесуваше 15,2 отсто, открива ACEA.
Продажбата на хибридни електрични автомобили, исто така, силно се зголемил во февруари на ни во на Унијата, за 19 отсто, со пазарен удел од 35,2 отсто во првите два месеци од оваа година.
Хибридните електрични возила вклучуваат, според дефиницијата ACEA, „целосни и делумни хибриди“ кои, во зависност од моќноста на батеријата, можат да возат во просек до 62 проценти од времето само со електрична енергија.
Продажбата на плаг-ин хибриди паднала за 1,4 отсто во февруари, а нивниот удел на пазарот бил 7,4 отсто во јануари и февруари.
Бензинските и дизел автомобилите забележале пад на продажбата од 22,4 и 28,8 отсто во февруари во однос на истиот месец лани. Нивното учество на европскиот пазар е 29,1 односно 9,7 отсто во првите два месеца од оваа година, покажуваат пресметките на ACEA.
Слични новости
Нов рекорд на златото
Цената на златото, кое се смета за побезбедно засолниште за капиталот во неизвесни времиња, претпладнево четврти ден по ред достигна ново рекордно ниво – 3.145 долари за унца
Остар пад на Волстрит во првиот квартал
На Волстрит индексот S%P 500 благо порасна во понеделникот, но падна со највисока стапка од 2022 година во текот на целиот прв квартал, што е последица од стравувањата на инвеститорите од ескалација на царинската војна
Златото над 3.100 долари
Цените на златото во понеделникот надминаа 3.100 долари за унца, поради стравувањата на инвеститорите дека американските царини би можеле да ја поттикнат инфлацијата и да го забават економскиот раст, како и континуираната побарувачка од централните банки