Косовскиот министер за внатрешни работи Џељаљ Свечља објави дека во средата утрото биле затворени „паралелните српски институции“, пошти и даночни канцеларии во десет различни општини во централнниот дел на поранешната јужна српска покраина Косово и Метохија, поради што главниот преговарач на Србија, Петар Петковиќ, ги прекина и ги напушти денешните разговори во Брисел.
Полициски дејствија се преземени во општините Липјан, Обилиќ, Приштина, Косово Поље, Вучитрн, Ново Брдо, Каменица, Витина, Ораховац и Скендерај, а Свечља оцени дека со ова „завршува ерата на српските паралелни и криминални општини и институции во Републија Косово”, објави Радио Слободна Европа (RFE).
Властите во Приштина тврдат дека работата на овие српски институции, кои функционираат по конфликти кои завршија во 1999 година, е „нелегална“ откако албанското мнозинство со поддршка на водечките западни земји во 2008 година еднострано прогласи независна Република Косово која сѐ уште нема позиција во Обединетите нации, и почнаа да ги затвораат на почетокот на минатата година – прво во четири општини на северот со мнозинско српско население, а потоа во централниот дел на Косово.
Порталот на српски јазик Kosovo online пишува дека дека косовската полиција вршела рации во поштенските и општинските згради без судски налог и дека полициските инспектори не им кажале на вработените по чија усна наредба ја спроведуваат акцијата.
Главниот преговарач на Белград за нормализација на односите со Приштина под покровителство на Еворпската унија и директор на српската владина канцеларија за Косово и Метохија, Петар Петковиќ, реагирајќи на акцијата на косовската полиција, го прекина и го напушти денешниот состанок во Брисел, каде под покровителство на ЕУ заедничката комисија на двете страни требаше да разговара за решавање на проблемот со исчезнатите лица.
Српскиот министер за надворешни работи Марко Ѓуриќ оцени дека денешните дејствија на полицјата на Приштина, координирани од владата на Албин Курти, се „опасна ескалација“.
„Овие агресивни потези не се само напад врз институциите, туку очигледен обид за поткопување на колективните права и идентитетот на Србите на Косово“, објави Ѓуриќ на платформата Х, оценувајќи дека Курти „ги користи овие провокации како дел од својата изборна кампања. , игнорирајќи ги човековите права и не почитувајќи ги договорите кои треба да ги штитат мирот и соживотот“.
„Оваа стратегија само ги продлабочува поделбите и ја загрозува стабилноста во регионот“, напиша Ѓуриќ и ја повика меѓународната заедница да реагира наместо да молчи.
„Молчењето е соучесништво“, исткна Ѓуриќ.
Дијалогот за нормализација на односите меѓу Белград и Приштина се во ќорсокак со месеци и малку е веројатно дека нешто ќе се придвижи пред инаугурацијата на новата американска администрација на 20 јануари и парламентарните избори во Косово закажани за 9 февруари.
Слични новости
Турција е подготвена да прифати „некои“ Палестинци ослободени од Израел
Турција е подготвена да прифати „некои Палестинци“ ослободени од Израел според договорот за прекин на огнот меѓу Израел и Хамас, изјави во неделата во Доха турскиот министер за надворешни работи Хакан Фидан
Грција предупредува на зголемена сеизмичка активност на Санторини
Грчките власти ги советуваа жителите на егејскиот остров Санторини да ги затворат училиштата во понеделник, да избегнуваат две мали пристаништа и да се воздржат од собирање во затворени простории по зголемената сеизмичка активност во областа последните денови
Блокадата на мостот Слобода во Нови Сад траеше цела ноќ, студентите спиеја на улица
Студенти на три новосадски факултети во блокада, со поддршка на своите колеги кои пеш пристигнаа од Белград, како и моторџии и граѓани, вчера ги блокираа сите три моста во Нови Сад, на денот кога поминаа три месеци од несреќата кај железничка станица во која загинаа 15 лица