На 3 октомври, истекува законскиот рок по кој сопственикот на дискотеката „Пулс“ Дејан Јованов и другите обвинети за пожарот во кој загинаа 63 млади луѓе не можат да останат во ефективен притвор.
Неговата адвокатка Ивана Коцевска на денешното рочиште најави поднесување на гаранција дека Јованов ќе биде присутен на рочиштата.
Судијката Дијана Груевска на ова одговори дека законот ќе се почитува во целост и оти правата на обвинетиот и досега не биле загрозени.
„Точно е дека на 3.10 притворот мора да прекине, како ќе одлучи кривичниот совет понатаму ќе видиме“, рече судијката Груевска.
Според законот, обвинет може да биде задржан во притвор максимум една година од оценката на обвинението.
За „Пулс“ тоа е 3 октомври, кога му истекува ефективниот притвор на Дејан Јованов.
Слични новости
Собранието ги усвои измените на Законот за јавни набавки: До 25 000 евра годишно набавки без тендер
Институциите ќе добијат можност да трошат повеќе јавни пари преку директни набавки, без обврска да ги спроведуваат вообичаените тендерски постапки.
Обвинение за поткуп на инспектори во случајот „Пулс“
Основното јавно обвинителство во Кочани поднесе обвинителен акт против три лица и обвинителен предлог за шест други лица за сомневања за поткуп, злоупотреба на службената положба, оддавање службена тајна и фалсификување службени исправи.
Вкупно 352 Бугари во Македонија гласале на изборите за претседател на Бугарија – најмногу за двојката Јотова и Влчев
Вкупно 352 бугарски државјани гласале на седумте избирачки места што беа отворени на територијата на Македонија на изборите за претседател и потпретседател на Бугарија