На 3 октомври, истекува законскиот рок по кој сопственикот на дискотеката „Пулс“ Дејан Јованов и другите обвинети за пожарот во кој загинаа 63 млади луѓе не можат да останат во ефективен притвор.
Неговата адвокатка Ивана Коцевска на денешното рочиште најави поднесување на гаранција дека Јованов ќе биде присутен на рочиштата.
Судијката Дијана Груевска на ова одговори дека законот ќе се почитува во целост и оти правата на обвинетиот и досега не биле загрозени.
„Точно е дека на 3.10 притворот мора да прекине, како ќе одлучи кривичниот совет понатаму ќе видиме“, рече судијката Груевска.
Според законот, обвинет може да биде задржан во притвор максимум една година од оценката на обвинението.
За „Пулс“ тоа е 3 октомври, кога му истекува ефективниот притвор на Дејан Јованов.
Слични новости
Раководителите на гостиварски „Комуналец“ однесени во притвор во Шутка
По 30 дена притвор добија тројца раководители на „Комуналец“ од Гостивар, осомничени за загадување на водата за пиење. Вршителката на должност директорка Артана Асани, техничкиот раководител на сектор за технички работи, Леон Нуредини и раководителот на одделението за водовод Вадедин Дервиши
Сиљановска-Давкова ја пречека претседателката на Индија
Претседателката Гордана Сиљановска-Давкова со највисоки државни и воени почести ја пречека претседателката на Република Индија, Друпади Мурму, која престојува во дводневна официјална посета на земјава.
Останува во сила забраната за користење на водата од гостиварскиот водовод
Забраната за користење на водата од гостиварскиот водовод, за пиење и за подготвување храна останува во сила, се додека со лабораториски анализи не се потврди нејзината безбедност.