Премиер лига: Челзи од 0:2 до победа против Тотенхем

Челзи ја надмина негативата од 2:0 од 11. минута од натпреварот против Тотенхем и победи со 4:3 во 15. коло од англиската Премиер лига на гостински терен во Северен Лондон.

Доминик Соланке со погодоците во 5. и Дејан Кулушевски во 11. минута му овозможија почеток од соништата на домашниот тим. Враќањето на гостите го започна Џејдон Санчо со голот во 17. минута. Комплетниот пресврт го направија Кол Палмер со два удара од белата точка во 61. и 84. минута и Енцо Фернандез со гол во 74. минута. Сон Хеунг-Мин во судиското надополнување (90+7) успеа да го ублажи поразот на Тотенхем.

Со својата деветта победа сезонава, Челзи стигна до 31 бод и второто место на табелата, со четири бода помалку од лидерот Ливерпул. Сепак, Ливерпул има натпревар помалку.

 

Хименез во 11. минута го доведе Фулам во водство. „Топчиите“ израмнија во 53. минута преку Салиба. Сака во 89. минута постигна уште еден гол за Арсенал, но во ВАР-собата беше досудена офсајд позиција при почетокот на акцијата и голот беше поништен.

Борнмаут направи одличен пресврт за да победи во Ипсвич, каде домаќините поведоа во 21. минута со голот на Чаплин и до 88. минута имаа три бода во џебот, за да останат без ниту еден во судиското продолжение. Во 88. минута Унал израмни, а во 95. минута Уатара му донесе победа на Бурнмаут, со која неговиот клуб скокна на осмото место со 24 бода. Ипсвич е на 18. позиција со само девет бодови.

Во голем пресврт, Брајтон остана без победа на гостувањето кај Лестер Сити, кој на својот стадион „Кинг Пауер“ дојде до бод со головите на Варди (86) и Де Кордова-Рид (90+1) и одигра 2:2. Гостите имаа водство од 2:0, а стрелци беа Ламптеј (37) и Минтех (79).

Брајтон е на седмото место со 24 бодови, а Лестер е на 16. позиција со 14 бодови.

globe

Слични новости