Премиер лига: Челзи два бода од Ливерпул, „петка“ на Тотенхем, Јунајтед славеше кај Сити

Челзи пред своите гледачи на „Стемфорд Бриџ“ го победи Брентфорд со 2:1, а Тотенхем со убедливи 5:0 победи на гостувањето кај Саутемптон, во последните два натпревара од неделната програма од 16. коло на англиската Премиер лига.

Шпанскиот репрезентативец Марк Кукурела погоди во 43. минута за водство на Челзи, кое во 80. минута го удвои Николас Џексон. Брајан Мбуемо во 90. минута успеа да го ублажи поразот на Брентфорд.

Со петтата последователна победа, Челзи дојде на два бода од лидерот Ливерпул, но тимот од „Енфилд“ има натпревар помалку. Трет е Арсенал со 30 бодови. Брентфорд со седмиот пораз падна на 11. место со 23 бода.

Таму го поттурна Тотенхем, кој стигна до седмата победа на гостувањето во Саутемптон, каде избраниците на Анже Постекоглу со убедливи 5:0 го совладаа истоимениот последен тим во Премиер лигата. Веќе во првата минута Џејмс Медисон погоди за 1:0, а во 25. минута веќе беше 4:0 со головите на Сон Хеунг-Мин (12), Дејан Кулушевски (14) и Папе Матар Саро (25). Конечните 5:0 ги постави Медисон со својот втор гол на крајот од првото полувреме (45+4).

Тотенхем скокна на десеттото место со 23 бодови, а Саутемптон го претрпе 13-от пораз и со само пет бода е убедливо последен.

Фудбалерите на Манчестер Јунајтед славеа во градското дерби совладувајќи го Манчестер Сити со 2:1 (0:1) на гостински терен, иако актуелните шампиони водеа до 88. минута со голот на Јошко Гвардиол.

Избраниците на Пеп Гвардиола го постигнаа водечкиот гол во 36. минута, кога на нафрлување од Кевин де Брујне хрватскиот репрезентативец натскока двајца гостински дефанзивци и од неколку метри со глава ја упати топката во мрежата по центаршутот на Кевин де Бруин. Тоа беше четврти гол за Гвардиол во Премиер лигата сезонава.

До 88. минута се чинеше дека „Граѓаните“ конечно можат да дојдат до значајна победа, а потоа за две минути сѐ се урна, најмногу благодарение на Амад Диало. Овој 22-годишен фудбалер од Брегот на Слоновата Коска најпрвин избори пенал, од кој Бруно Фернандеш израмни на 1:1 во 88. минута, а две минути подоцна им побегна на дефанзивците на Сити, го префрли истрчаниот домашен голман Едерсон и потоа го испрати топка во небранетата мрежа за конечни 2:1. Гвардиол се обиде да го спречи голот, но ја промаши топката на гол-линијата.

Манчестер Јунајтед се најде сега на 12. место со 22 бода, а Манчестер Сити по осмиот пораз во последните 11 натпревари остана на 27 бодови и на петтата позиција. Лидерот Ливерпул има 36 бодови и натпревар помалку од Сити.

Претходно Кристал Палас со 3:1 победи на гости кај Брајтон, а сите погодоци ги постигнаа гостинските играчи. Палас поведе во 22. минута преку Чолобах а потоа победата практично ја осигури преку двојниот стреле Сар во 33. и 82. минута, додека Гуехи во 87. минута ја затресе сопствената мрежа.

Кристал Палас со победата се одржа на неколку места над зоната на испаѓање, 15-ти е со 16 бодови, додека Брајтон пропушти шанса со победа да се придружи на екипите кои се борат за излез во европските купови следната сезона, остана на 24 бодови со кои моментално е на деветтата позиција на табелата.

globe

Слични новости