Премиерот Мицкоски најави нови 500 милиони евра кредит, наменети за локални и регионални патишта

Претседателот на македонската влада Христијан Мицкоски рече дека новите 500 милиони евра ќе биде заем од европска држава, но не сакаше да каже која е таа држава и дали тоа можеби не е повторно  Унгарија, освен дека сстанува збор за кредит од европска држава.

Премиерот рече дека 500-те милиони евра кредит ќе бидат вложени во реконструкција на локални, регионални и експресни патишта. Ќе се поврзуваат општина со општина со локални и регионални патишта.

 Владата веќе се задолжи една милијарда евра од Унгарија. Петстотини милиони се искористија за враќање на еврообврзницата, 250 милиони евра се предвидени за општините и 250 милиони евра за поддршка на бизнисот.