Израелскиот премиер Бенјамин Нетанјаху и неколку негови министри го повторија своето противење на палестинска држава пред гласањето во Советот за безбедност на ОН во понеделник за нацрт-резолуцијата на САД за Газа, што ја зголемува можноста за тоа во иднина.
За разлика од претходните верзии, новата нацрт-резолуција што го поддржува мировниот план на американскиот претседател Доналд Трамп за Газа нуди пат кон палестинска државност, на што израелската влада долго и жестоко се спротивставува.
„Нашето противење на палестинска држава на која било територија не се промени“, рече премиерот отворајќи го состанокот на кабинетот во недела.
Тој рече дека не му требаат „ничии предавања“ за ова прашање.
Министерот од крајната десница, Безалел Смотрих, го обвини во саботата дека молчи откако Франција и неколку други земји ја признаа Државата Палестина во септември.
„Веднаш формулирајте соодветен и цврст одговор што ќе му стави до знаење на целиот свет: никогаш нема да има палестинска држава на почвата на нашата татковина“, напиша Смотрич на X.
Друг член на владата од крајната десница, Итамар Бен-Гвир, напиша на социјалните мрежи дека неговата партија „Еврејска моќ“ нема да биде дел од „ниту една влада што прифаќа“ воспоставување палестинска држава.
Министерот за одбрана Израел Кац и министерот за надворешни работи Гидеон Саар, исто така, го повторија своето отфрлање на каква било палестинска држава на X.
Нацрт-резолуцијата на САД го поддржува планот на Доналд Трамп што доведе до спроведување на кревко примирје во Појасот Газа на 10 октомври по две години војна.
Слични новости
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше
САД престанаа да ја означуваат Русија како „диркента закана“, Кремљ е задоволен
Кремљ го поздрави потегот на администрацијата на американскиот претседател Доналд Трамп да ја ревидира својата стратегија за национална безбедност и да престане да ја нарекува Русија „директна закана“, изјави во неделата портпаролот Дмитриј Песков