Американските преговарачи вршат притисок врз официјален Киев да им овозможи на САД пристап до критичните минерали во Украина, со закана дека на Украина ќе и биде ускратен пристапот до Старлинк сателитскиот интернет, пренесуваат агенциите повикувајќи се на три извори кои се запознати со преговорите.
Пристапот на Украина до комуникацискиот систем Стралинк во сопственост на Илон Маск што и пружа клучна интернет конекција на Украина и нејзината војска бил тема на неодамнешните разговори меѓу американски и украински официјални лица.
Разговорите беа водени откако украинскиот претседател Володимир Зеленски го одби предлогот на американскиот министер за финансии Скот Бесент во врска со експлоатацијата на минерални ресурси, пренесува Ројтерс.
Ова прашање повторно било отворено за време на состанокот на специјалниот пратеник на САД Кит Келог и украинскиот претседател Зеленски и за време на состанокот на Украина и било предочено дека се соочува со непосредно исклучување на Старлинк услугите, ако не го прифати договорот за критични минерални ресурси.
Доколку Украина го загуби пристапот до Старлинк, тоа за неа би бил огромен удар, изјавија извори за Ројтерс, кои бараа да останат анонимни.
Слични новости
Во Македонија пристигнати 15 лекари специјалисти за да помогнат околу третманот на повредените во Кочани
15 специјалисти од Србија и Чешка се пристигнати во Македонија за да помогнат во лекувањето на повредените во катастрофалниот пожар што се случи во дискотеката Пулс во Кочани во кој загинаа 59 млади луѓе, а 155 се повредени. Се очекува да пристигнат и специјалисти од Израел.
Трамп најави разговор со Путин во вторник
Американскиот претседател Доналд Трамп најави дека во вторник ќе разговара со рускиот претседател Владимир Путин за можниот крај на тригодишната војна во Украина, по позитивниот исход од разговорите меѓу американските и руските претставници во Москва
Студентите на УКИМ неделава ќе организираат собири за жртвите во пожарот, од Ректоратот имаат дозвола за прекин на наставата
Студентите и професорите на Скопскиот универзитет денеска и во текот на целата недела ќе присуствуваат на организирани собири – Заеднички час, што точно напладне ќе се одржуваат на различни кампуси на УКИМ, за да изразат почит на жртвите во пожарот на концертот во Кочани и поддршка на нивните семејства.