Комисијата за репрезентативност работи континуирано, се пребројуваат кандидатите – членови на синдикатите, но мислам дека процесот е во завршна фаза. Чекам час поскоро да биде финализиран и веднаш потоа да се свика седница на Економско-социјалниот совет (ЕСС) зашто има многу клучни теми за дискусија како што е потрошувачката кошничка, а треба да се носат и одлуки, рече денеска министерот за економија Бесар Дурмиши.
Според Дурмиши, и потрошувачката кошничка е во завршна фаза, но треба да се стави на дневен ред на ЕСС и да се донесе одлука.
Одговорајќи на новинарски прашања по прес-конференцијата во Владата, министерот истакна дека е многу важно да има рамноправна застапеност на синдикатите во можноста да одлучуваат.
-Колку што имам информации, Комисијата за репрезентативност работи континуирано, се пребројуваат кандидатите членови на синдикатите и тоа е посложен процес, но мислам дека е во завршна фаза. Истовремено, одиме на намалување на процентот на репрезантативноста од 10 на 5 отсто за да го демократизираме дијалогот во ЕСС. Инаку, ние ја формиравме Комисијата која треба да прави пребројување и да одлучи кој синдикат е репрезентнтивен. Ако звршила со оваа работа, претпоставувам дека требаше да не информира, нагласи Дурмиши.
Според него, можно е на некои синдикати членовите да се преброени, но процесот мора да заврши целосно, да бидат преброени членовите на сите.
-При многу висок праг на репрезентативност може да се воведе идниректно бариера на синдикатите. Има и други вработени од други синдиакти, ќе им дадеме можност и тие да дејствуваат, да носат одлуки во ЕСС, тоа е намерата на Советот, а не да има само еден синдикат, потенцира Дурмиши.
Слични новости
Серија земјотреси регистрирани во Охрид и околината
Серија земјотреси чии епицентри потекнуваат од епицентралното подрачје Пештани-Охрид-Струга, 102 километри југозападно од Скопје, се регистрирани изутрината во 4 часот и 34 минути во Охридскиот регион
Во Скопје се одржа протест за кучето Феликс
Од протестот побараа максимална затворска казна за Љубе Крествески. Во македонскиот Кривичен Законик веќе 20 години постои кривичното дело убиство и мачење животни, кое се казнува со затворска казна, а досега не е изречена ниту една таква пресуда.
Премиерот Мицкоски очекува висок раст на БДП во вториот квартал
Не велам дека имаме раст, но ако имаме предвид дека бевме длабок минус ние сме дојдени во состојба нула и сега треба да креваме“, истакна денеска премиерот Христијан Мицкоски.