Јапонски производител на виното од ориз ќе се обиде да го произведе првото вселенско саке во светот, и тоа само едно шише, а приходите од продажбата 100 милиони јени (613.000 евра) ќе ги донира на домашните компании за развој на вселенската технологија, објавија јапонските медиуми.
Компанијата „Asahi Shuzo“ во префектурата Јамагучи неодамна соопшти дека планира да ферментира ориз и други суровини што се користат за производство на саке на Меѓународната вселенска станица.
Нивната цел е да ги испратат состојките во орбитата на крајот на 2025 година.
Идејата е да се создаде саке под претпоставка дека ќе има побарувачка за алкохол ако луѓето почнат да живеат на Месечината уште во 2040-те, објаснуваат тие.
Во 2022 година, „Mitsubishi Heavy Industries“ ѝ пристапи на пиварницата, позната по брендот на сакето „Dassai“, за правење саке во вселената. Тие сега работат на правење апаратура за подготвка на пијалакот која ќе ја испратат во Кибо, јапонски експеримент модул создаден специјално за Меѓународната вселенска станица.
Во Кибо ќе се рекеира гравитацијата на површината на Месечината, приближно една шестина од гравитацијата на Земјата, а пиварницата ќе го следи процесот на ферментација од Земјата.
Околу 520 грама нерафинирано саке ферментирано во вселената ќе бидат вратени на Земјата, а потоа рафинирани и истурени во шише од 100 милилитри како „Dassai Moon Uchujozo“, преведено како „… вселенски пијалок“, објави пиварницата чие седиште е во западна Јапонија.
Слични новости
Ѕвездата на хит серијата Zero Day Дан Стивенс вели дека демократијата е речиси мртва
Ден Стивенс игра во новата хит серија на Нетфликс Zero Day, политички трилер во која го игра популарниот Јутјубер Еван Грин, лик што потсетува на десничарскиот новинар Такер Карлсон со неверојатна убедливост.
Почина продуцентот Стенли Џефи кој доби Оскар за Крамер против Крамер
Познатиот продуцент и менаџер на холивудско студио Стенли Џафи кој доби Оскар за Крамер против Крамер со Дастин Хофман и Мерил Стрип во 1980 почина денеска на 84 годишна возраст
Премиера на „Holland“ со Никол Кидман и Метју Мекфајден
Премиерата на новиот филм „Holland“ со Никол Кидман беше во неделата, на која актерката најави дека по овој проект конечно ќе земе одмор. Никол Кидман беше и продуцент на филмот „ Holland“ кој го режираше младата режисерка Мими Кејв.