Првата чанта од брендот „Birkin“ на производителот „Hermès“, дизајнирана специјално за актерката Џејн Биркин во 1984 година, ќе биде понудена на наддавање во Париз на 10 јули, последниот ден од седмицата на висока мода, објави аукциската куќа Sotheby’s.
Големата црна кожна чанта, која ќе стане една од најпознатите и најскапите чанти во светот, е „централниот дел“ на продажбата насловена како „Модни икони“, соопшти аукциската куќа.
Ќе биде јавно изложена во галериите на Sotheby’s во Њујорк меѓу 6 и 12 јуни, пред финалната презентација во филијалата во Париз од 3 до 9 јули.
Овој „историски, рачно изработен прототип“, гравиран со иницијалите Ј.В., се одликува со неколку карактеристики што го прават уникатно парче, вклучувајќи ја неговата големина, затворените метални прстени и неотстранливиот ремен за на рамо.
Модната икона и познатата француска актерка Џејн Биркин, која почина во 2023 година, ја стави практичноста пред сè.
За време на летот од Париз до Лондон, Биркин се пожалила на сопатничка дека не може да најде чанта што одговара на нејзините потреби како млада мајка. Тој сопатник не бил никој друг туку Жан-Луј Дима, тогашен менаџер во „Hermès“. Така, во 1984 година се родила чанта со посебен оддел за шишиња за бебиња која го носи името „Birkin“.
Четириесет години подоцна, оваа кожна чанта стана култен производ на производителот на кожни производи. Произведена во многу мали количества, негува слика на ексклузивност, со цена што варира во голема мера од неколку илјади евра за наједноставните модели до неколку стотици илјади евра за најлуксузните.
Слични новости
Музејот Лувр денеска остана затворен поради протест на работниците
Музејот Лувр, најпосетениот музеј на светот, денеска остана затворен за посетителите поради протест на работниците, додека повеќе илјади туристи пред влезот стоеја во долги редови.
Акцискиот трилер Балерина со Киану Ривс се доближува до заработка од 100 милиони долари
Шпионскиот акциски трилер доби солидни оценки од публиката и стигна до заработка од 42 милиони долари во САД и 49 милиони долари надвор од Америка за вкупна заработка од 91 милион долари за две недли прикажување.
„Како да го тренирате вашиот змеј“ ќе оствари профит од близу 200 милиони долари во премиерниот викенд
Адаптацијата на филмот од 2010 „Како да го тренирате вашиот змеј“, се очекува да отвори со заработка од 84 милиони долари на Бокс Офисот во САД и близу 200 милиони долари глобално.